MBEN ISRAEL IMBUT-MBUT NYEN 11:21 - ALLAH NIHYET MEM TUNGWATU NYA

²¹ Lene Musa buhup “Dibie tut Ade limwa dini yok imangti ibou sribu sratus muhwindagom. Notou asindem mem gima ayai mikwau biyok kikau mem bed nitindur gom i?

MBEN ISRAEL IMBUT-MBUT NYEN 11:21 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NEHEI LEUSI 12:37

Lene mben Israel ijo leu Raamses bimbut imig ug ei Sukot. Pinai nya imangti ibou sribu sratus muhwindagom noro ikwop sop nya kin munggwom nya imangti bi.

NEHEI LEUSI 38:26

Nibuhunti dima noyam kin mun di yo di inyeng coi ei daptar pimati igo tut. Bikwop tungwagom-gom go nibok bit leu nok Allah nicuk yokti ba, ibakilo hagom bit leu nok nibuhunti di ice tut mem Allah De Prak Meng. Pinai nya di ide njap ug ei ari bingwam ningot can nima kui di inyeng coi ei daptar pimati imangti ibou sribu sratus muhwindagom ningai lene sratus muhwi ba, ningot muhwi.

MBEN ISRAEL IMBUT-MBUT NYEN 11:13

Dinggok ser mikwau nok gi dem mem yo di imang bibor dini ei siritou i? Lewo inso-nso nyen ninno tu ba, ikimam mikwau bijo kikau.

MBEN ISRAEL IMBUT-MBUT NYEN 11:20

Noro mijiyem kep mikwau dima kikau mem bed nitindur gom bibou mikwau dima nos je bijinjim tut. Mun dini micut igkep je drek dip gi jingon mpo tut Da di tuhan di dingat rin ei jikieti cem drek dip gi jinso-nso nyen biDa bijipai ikan nye ikwei leu minu Mesir mem mindei i?”

MBEN ISRAEL IMBUT-MBUT NYEN 11:22

Bit bon nyeni nibui sapi kin domba nya nok gi dem mem igyem kep ikimamti kan bi. Wau nya ei muk ngeisi cem nok gi dem mem yo dini yahagom bi.”

MBEN ISRAEL IMBUT-MBUT NYEN 2:32

Mben Israel di inyeng coi ei nibicom yamti bit leu ide nimpung tentara nya imangti ibou sribu sratus muhwindagom ningai ba, sratus muhwi ningot muhwi.

MBEN ISRAEL IMBUT-MBUT NYEN 26:51

Pinai mben Israel yahagom imangti ibou sribu sratus muhwindagom gom ba, sratus muhwindacan ningot ningai.