MBEN ISRAEL IMBUT-MBUT NYEN 11:18 - ALLAH NIHYET MEM TUNGWATU NYA

¹⁸ Nogindini ma aug tri tut bak ade limwa di mben Israel bipia suar idimig yonti ei lewo njap di hyep bu lene yoni migyem kep mikwau ug ri. Gi po inso-nso nyen nindig bibor tut gi ikimam mikwau ba, mun di pek kep mem igyaijoti ei minu Mesir kei bibor dor njiriek pima tibim ei ditingou nsi tu. Nogindini tuhan miyai mikwau bije ba, suar jiyem.

MBEN ISRAEL IMBUT-MBUT NYEN 11:18 ပူးပေါင်းရင်းမြစ်များ

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

AYUB 20:13

Gi pinde haninyai bi leu binhyepo ngat ningwes eisi binyohou pinde nyahan.

AYUB 20:23

Tirigi nibou sibui sut giba njita boom ninghop lene Allah migga noni bikes hukum ei noni dip.

MAZMUR 78:20

Ningat ne Noni bui nungug tig bibindei ba, minyei biam sindem bibor mem nye tu lo, dem mem gima Noni tin ei roti biyai mikwau cem bak Nide limwa di nyeni e?”

NEHEI LEUSI 16:8

tuhan Nonti rino miyai mikwau bije mem mmunti lene miyai roti bije mem njap bigyokti leu gi po jinso-nso nyen bak Noni pima tibim ei nitingou nsi tu. Tirigi jinso-nso nyen bak Harun nyeni lene gima dem kep nok jinso-nso nyen bak tuhan.”

NEHEI LEUSI 19:10

Nogindini ma aug ngat yo dima ba, acuk yok bipia njap di ammani kin njap di hyep cem suar itin ei mem gima ikuk yok biDa. Suar yahagom itot ide sinsun bipwoi,

NEHEI LEUSI 19:15

Lene noni binut bu bipai “Ma jitin ei mem njap di can ba, hon njap dima ne ma jiyem njita tut yam au.”

NEHEI LEUSI 19:22

Gino imam bihi ikwei dideu Da lene suar ibon midut ser ma map kui yokti bi. Gi bi lene midikes hukum ei yok dip.”

MBEN ISRAEL IMBUT-MBUT NYEN 11:1

Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.

MBEN ISRAEL IMBUT-MBUT NYEN 11:19

Mijiyem kep mikwau dima mem njap gom kin njap can kin njap muhwi kin njap simnai cem njap nyatungwagom he bi.

KISAH 7:39

Mbro nok gima lo, ide pung di intun him nya ikou sut Musa nihyet. Yoni irok noni ei itta leu api iba yoho rok minu Mesir hanyen.

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

NIJAM NIKEI NYA 21:2

Gima rino yoni ingkwei hanyen ug ei minu ndig Betel ba, iba ingon di ngguk bigwam ei tuhan Noho bei kikau ug bipek mmun kep. Ipim ba, ibahara Noni,