MBEN ISRAEL IMBUT-MBUT NYEN 11:17 - ALLAH NIHYET MEM TUNGWATU NYA

¹⁷ Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

MBEN ISRAEL IMBUT-MBUT NYEN 11:17 ပူးပေါင်းရင်းမြစ်များ

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NITRITI 17:22

Tirigi Allah kes nihyet hon tu lene Noni kes Abraham bimbut leu.

NITRITI 17:3

Lene Abram kuk no biba ningwak bikik dihyei leu api Allah pai binoni,

NITRITI 18:33

Tirigi tuhan kes nihyet hon bimbrap bit Abraham bu bi lene Noni ug leu lene Abraham ngkwei hanyen ug ei nide prak meng nsi.

NIBOU NDIG NYA GI NICAN 2:15

Tirigi nabi ibou ningot muhwi leu minu ndig Yerikho ingat gima bou igyai him tu lene igyai nillei bipai biyam “Elisa ba nokep Elia de nisindemti tu!” Lene ikwei um noni bikuk yok ei nimig him.

NIBOU NDIG NYA GI NICAN 2:9

Yuug krau su lene Elia hig ser Elisa “Ma ahara da tut mun nyeng hi bit leu angon kanti nipou tirigi tuhan kon da bidipror leu na bigyo!” Lene Elisa buhup “Asindui sut ba, diba dakep ade nisindemti ndrim hi leu binhyepo diya luei ahoti bu.”

NEHEMIA 9:20

Aba angon di nggriu sut yok nyohou pingok ingonti ba, ayai njita manna kin minyei biyok cem.

NEHEI LEUSI 18:18

Gino ayai midyai nok gima kikau lene abindei ba, anghuisi jet lene ade limwa nya cem minghuisi wei nindig bibor. Midyai dima buhun bibor mem gima nangkom ayai kep hagom.

NEHEI LEUSI 18:22

Lene ata yok nok nikei mem ide nimpung nya bibikwop nok. Lene yoni ikwei ngat na bihig ser na tut mun di buhun bibor noro yonti migwam nok nikei nya ba, ikos tut mun di buhun lai-lai de. Nok gima lene ade midyai nok nikei minggan lewo yo dima yahati tut na.

NEHEI LEUSI 19:11

leu binhyepo hon kep can lene yahagom itin ei su. Njap dima lene midijuk hwou ei Nungug Sinai dip leu api tungwatu nya yahagom mingat Da bou igyai him ei sirima.

NEHEI LEUSI 19:20

tuhan juk kwei ei Nungug Sinai dip bihig Musa kwei ngat Noni ei mbigdip. Gima rino Musa kui ug ei mbigdip dima.

NEHEI LEUSI 34:5

Lene bumbuhui ttou gom nggai kep tuhan leu api Noni juk kwei biya simiak Musa ei mpia dima bindat kep ninyeng di kwes-kwau ba, ninyeng dima rino tuhan.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

MBEN ISRAEL IMBUT-MBUT NYEN 11:25

Lene tuhan juk kwei ei bumbuhui ttou di nggai kep Noni bimbrap bit Musa. Leu api Noni kus nisindemti po yai bak Musa pima ndrim hi biyai bak nibou nya pima. Tirigi tuhan Ninnei coi ug ei yo dima ingonti lene sindi itri tut nihyet mem nituti poi dem kep nok nabi nya.

MBEN ISRAEL IMBUT-MBUT NYEN 12:5

Leu api tuhan ba bumbuhui ttou binggai kep Nonti lene juk kwei biya kui dimbou hui ei Prak Meng bihig yok “Harun kin Miryam e!” Leu api yahacem ison kwei bigya ei tuhan Noho bei.

MBEN ISRAEL IMBUT-MBUT NYEN 12:8

Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

MBEN ISRAEL IMBUT-MBUT NYEN 27:18

Lene tuhan pai binoni “Ma ahig Yosua di Nun nipmot kwei lewo noni joi bibor. Lene ma akes anda hacem ei nibou nggram him.

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

KORINTUS GI NIGOM 2:12

Nyeni ipriet kin mun di kei di Allah njei bak nyeni hagom lewo Noni yai ninnei di ntun dihyeisi dini him binye bi noro yai Nonti Ninnei binye.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

YUDAS 1:19

Yo dini ibindei ba, yo di mbusyamei iba nitok biyam. Allah Ninnei sindem tut yok bi noro ingut kanti di ntun dihyeisi dini him om kep yok.

SAMUEL GI NIGOM 10:6

Lene Allah Ninnei mijuk kros kwei ei angonti bibindei ba, apri-pri nyen ba, ambos-hi-mbos bit yok ba, lene Noni mibindei nani nok no di miyai ningon di nijep bu ri.