MBEN ISRAEL IMBUT-MBUT NYEN 11:12 - ALLAH NIHYET MEM TUNGWATU NYA

¹² Dipai tes yok ba, disrek tut yok cem bi. Nggon rino ando da mem gima duusap yok dem kep nok no di sop hon ningwoi-ngwoi kikau ug ei minu po apreu sut ei mem idigup bat-idigai bat nya pima i?

MBEN ISRAEL IMBUT-MBUT NYEN 11:12 ပူးပေါင်းရင်းမြစ်များ

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

TESALONIKA GI NIGOM 2:7

Mbro nok gino niya kui Yesus ba, dem mem gima nahara je tut mun di bahati tut nye lo, nibidip huk je tut mun nyeng hi bi. Noro niba gi nem-nnai biyai midyai ei jikieti bit leu nok sindig di nyohou nimunggwom bat ninti de nya.

NEHEI LEUSI 13:5

tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

GALATIA 4:19

Dimunggwom bat jen! Dinghim dut tut je noyam kin sop di ninghim dut tut munggwom. Dinghim dut tut je kikau bibou Kristus ningon mien paisi com nigau ei jingonti ug e.

YOHANES 10:11

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

YESAYA 49:15

Gima rino tuhan buhup, “Bon gima sop hi ningon prion ser nimunggwom e, he ngondut no di noni srek tut bu bi e? Mbro nok gino sop hi ningon prion ser nimunggwom lo, midingon prion ser je kan bi sren.

NITRITI 13:15

Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

KORINTUS GI NIGOM 4:15

Mbro nok gino yo di inyohou jide niyaijo nok gom kin Kristusti imangti ibou sribu simnai lo, jicig gom ngat he. Dangkom dinok jicig tug hon Nihyet Di Kei di ditri tut bije ba, dinyohou jide niyaijo ei Kristusti.

NITRITI 24:7

Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NEHEI LEUSI 13:11

Lene Musa pai bak mben Israel bu “tuhan mibuwak je ug ei minu Kanaan bit leu nok Noni ba neheng bipreu ei mem jeni kin jidigup bat-jidigai bat nya. Tirigi jinyeng tak kep minu dima lene,

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

NIBOU NDIG NYA GI NICAN 10:1

Mpe dima lene Ahab nignyon bat nya ibou ningot muhwindacan ibong ei minu ndig Samaria. Gima rino Yehu pinak srat gom bak ndigpoi nya di inyohou Ahab nignyon bat dima yok cem bak yo di inyeng jei kin nibou di ibie tut limwa nya yahagom ei minu ndig Samaria cem. Srat dima nibimbiti nok gini,

NIBOU NDIG NYA GI NICAN 10:5

Gima rino nibou mem ig nibou ndig kin yo di inyeng jei nya kin nibou di ibie tut limwa nya kin ndigpoi di inyohou Ahab nignyon bat dima yok ei minu ndig dima isok ighyet hanyen bak Yehu bipai “Nyeni ne na di Andigpoi ade awak hak rin ba, nitin ei mem mun nyeng hagom di Na di Andigpoi acuk nye binibon nya. Noro dem mem gima nikon tungwa hi bigwam nok nibou ndig mem nye bi. Gima rino ma ayai igbit angon kanti di kei mem nye hak ug.”

NEHEI LEUSI 6:8

Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.

NINDAT KEP TUHAN NICUKTI NYA 1:31

kin iggum ndigsi cem pima. Jingat tuhan nibuwak jeti ba, jingwes ngun kak puig jei dima kwei ba, jikwei krau mpia dini tu. tuhan noyam kin andigpoi gom di kes nimunggwom ei ninghat dip bimbut tut.