MBEN ISRAEL IMBUT-MBUT NYEN 10:14 - ALLAH NIHYET MEM TUNGWATU NYA

¹⁴ Bikwop mpe dino imbut lene injei bram yam bit leu nok nicukti tut nimpung nya. Nimpung tentara di igwam coi minyahas nibicom yam Yehuda nya ibie ngat. Ba, nimpung tentara hi njei leu lene hi njei bram bu lene nok. Nahason di Aminadab nipmot ne nibou di bie tut nimpung keret Yehuda ri.

MBEN ISRAEL IMBUT-MBUT NYEN 10:14 ပူးပေါင်းရင်းမြစ်များ

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

NITRITI 35:23

Lea yai nipmot mighumbou Ruben kin Simeon kin Lewi kin Yehuda kin Isakhar kin Zebulon yoni bak Yakub.

NITRITI 49:8

Na di Yehuda e, akindig bat-akinjoi bat nya mporo minggei sut na. Lewo akimukep ade siceu nikimama. Gima rino akindig bat-akinjoi bat nya yahagom mikuk yok bina ba, iba ingwak bikik mpia ei aho bei.

MBEN ISRAEL IMBUT-MBUT NYEN 1:5

Lene daptar dini tibim tut nibou di impu Musa Harun nya inyenga. Elizur di Syedeur nipmot di ntun keret Ruben him,

MBEN ISRAEL IMBUT-MBUT NYEN 1:7

kin Nahason di Aminadab nipmot di ntun keret Yehuda him,

MBEN ISRAEL IMBUT-MBUT NYEN 10:15

Lene Nataneel di Zuar nipmot ne nibou di bie tut nimpung keret Isakhar ri.

MBEN ISRAEL IMBUT-MBUT NYEN 10:5

Tirigi pun mbrei nibimbi di bong cun-cun lene bindo bipia keret nya di ibong ei prak meng yati nite bei mpia nipriti rima ikiju bimbut a.

MBEN ISRAEL IMBUT-MBUT NYEN 7:12

Bikwop ide munkwas nya nimangti noyam ba, nidem yamti rinok gini. Den di iba perak bibon di nibuhunti kilo gom biniken ningat gom kin bokor di iba perak bibon di nibuhunti kilo niken bit leu nok nibok di ikrau kep ei tuhan De Prak Meng nsi. Lene itau tepun di iba mini bisrigsi ba, ut hak ei mun nyeng can dimati mem nibon midut njita nibipai sigyo bak Allahti. Lene munkwas hi kin bu ne den di iba mas bibon di nibuhunti kilo gom biniken kin biei nggrai di ui-gwang kei ut eisi kin sapi nikre nipmot bo ningut gom kin domba nikre ningut gom kin domba pmot di nide njap dem ari bingwam gom ningut gom ba, hagom mem nibon midut nindig mindhe titut kep humti kin kambir nikre ningut gom mem nibon midut nibiyai nikos ser sisarti kin sapi nikre ningut can kin domba nikre ningut muhwi kin domba di nide njap dem ari bingwam gom ningut muhwi ba, hagom mem nibon midut nibiyai ningon kwes kin tuhanti ri. Nahason di Aminadab nipmot di ntun keret Yehuda him ttei nide munkwas pima kwei ei njap gi nigom.