NITRITI 9:23 - ALLAH NIHYET MEM TUNGWATU NYA

²³ Lene Sem Yafet nya iba inghim njei ban kep icig ningat nguti ei prak meng nsi lene ikiek yoho tai leu binhyepo ingat icig di ningat ngu dima bi.

NITRITI 9:23 ပူးပေါင်းရင်းမြစ်များ

NITRITI 9:22

Tirigi Ham dino Kanaan nicig ngat nicig ningat nguti bou niyai him lene noni hei leu prak meng bipai sut bak nikindig bat cin.

NITRITI 9:24

Mpe dino ba anggur pren leu Nuh ba, nibou ngwakti kwes hanyen leu api miap tut nipmot nipumiap niyai munti.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

IMAM NYA IDE MIDYAI 19:32

Suar jibou cut bak andigpoi nya bijikon inyenga. Suar jikuk je biDa ba, jingon digit tut Da lewo Dani ne tuhan bidinok jide Allah ri.

ROMA 13:7

Gima rino ma jirop ningwam di jibon biyok. Gino idahat je tut belasten ninyeng hi gom hi gom ne ma jigo belasten biyok. Ma joom jenti mem yo di inyeng jei nya bijikon inyenga.

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

TIMOTIUS GI NIGOM 5:1

Ma ahyet hwen bit andig-ndau nya ingonti au. Noro ma ambus ingonti dem kep nok ambus acig ningonti. Ma abibon pinjoi pilei nya dem kep nok akinjoi bat nya.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

TIMOTIUS GI NIGOM 5:19

Gino hi pai kep nibou mbusyamei gom lene ma amiap kep nihyet au bibou ibou can ibou ningai ighyet tot kep yam hyet tut ug e.

PETRUS GI NIGOM 2:17

Ma jibou cut bak tungwatu nya yahagom. Ma jingon ngakei jisut bat yo di ingon jo kep nya bijittin tut Allah. Ma jibou cut bak nibou ndig Kaisar.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.