NITRITI 8:1 - ALLAH NIHYET MEM TUNGWATU NYA

¹ Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

NITRITI 8:1 ပူးပေါင်းရင်းမြစ်များ

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

NITRITI 30:22

Lene Allah ningon prion ser Rahel bi. Gima rino Noni buhup nide nadi bibindei ba, noni nghop.

NITRITI 9:10

Ba, dibon gi preu dini bit mun di hei leu kibar nsi bit nani nok ha nya kin mindhe-ndhe nya hagom.

NEHEMIA 13:14

Lene dingat nadi “Ditde Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:29

Lene dingat nadi “Ditde Allah e, ayok ngon kep imam dima yok di ibindei ba, map kui midyai imam nya ideti kin Ade gi preu po apreu ei tug hon yoni kin Lewi nya pima.”

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

AYUB 12:15

Gino Noni yam ser minyei lene minyei pingge leu lene biyon ngoi ei mun nyeng hagomti cem. Gino Noni kes minyei bibiam hanyen lene minyei misu bihwen mun nyeng hagom!

AYUB 14:13

Ma aku da nyahan ei minu nimai nya ide ba, digwam nding leu ayai him kikau bibou Ade ningon sibui sut dati pren hanyen ug e. Lene ma atto ei mem da tut bitto bou mem gima ayok ngon kep da.

MAZMUR 105:42

Noni yok ngon kep gi preu di kwes-kwau di Noni preu ei mem Nide awak di Abraham.

MAZMUR 106:4

tuhan e, ayok ngon kep da tirigi ando Ade nisingatti bak Ade limwa nya. Ampu dani cem ei mpe di ateu yok bingwes ngun.

MAZMUR 115:12

tuhan yok ngon kep nye binjei mun di kei binye cem. Noni minjei mun di kei bak mben Israel cem nide imam nya yahagom cem.

MAZMUR 132:1

Doia nikui ug ei Mbigdip Sion. tuhan e, ma angon prion ser Daud kin mun di buhun bibor di tak kep noni hagom au.

MAZMUR 136:23

Mpe dino ide siceu nya ibindei timek nye lene Noni bbwe ser nye bi. Nide ningon ngakeisi jo ninghig-niker.

MAZMUR 137:7

tuhan e, ma ayok ngon kep mben Edom igyai munti mem njap po mben Babel inggek minu ndig Yerusalem bingwig pima. Mpe dima lene ipai cuk yam “Jikwei ba, inggek minu ndig dima. Inggek minu ndig Yerusalem hagom bipek kin nikiou nya cem!”

MAZMUR 29:10

tuhan ninyeng tak kep muk ndigsi di jut bibor ba, ninyeng tak kep nok Nibou Ndig bijo ninno bijo kikau.

MAZMUR 36:6

tuhan e, angon ngakeisi kui sur mpia-bbed him ba, angon gomti kui bipek kin bumbuhui nijunti.

NEHEI LEUSI 14:21

Lene Musa su ninda bijo nai minyei ngwa dip leu api tuhan bindei ba, hou di nimig ten bibor cut leu mpia nipriti apino minyei ngwa dip ngkwei mem mmun kikau binjap kep bibon ninggati ei minyei jou.

NEHEI LEUSI 15:10

Noro Na di tuhan ahi annei mbigom ngat he apino minyei kot mben Mesir yahagom bimai bingwig. Yahagom isar ei minyei jou dem kep nok leben dicut ug ei minyei di su biborti.

NEHEI LEUSI 2:24

Lene Noni miap ighyet bikan tut bipia inso kwop nyen apino Noni yok ngon kep gi preu po Noni preu ei mem Abraham kin Ishak kin Yakub yoni pima.

NIPINGOK NINGONTI 25:23

Yo di ittei mumpui ei yamti ibindei ba, tungwatu nya ingon sibui sut yam. Lene gima noyam kin hou di cut kwei leu mpia nijjai di biang biget kwei.

YESAYA 44:27

Dipai bak muk ngei “Ma asri ba, anok ningga biborti hak! Midibindei ba, ade minyei nggram nya pingge hanyen hak ug.”

YEREMIA 50:38

Ma jibindei pingge nide minyei pmem nya kin ngoi dumti nya hagom! Lewo minu Babel mpung tut kwar di bindei ba, nide limwa nya igyai ttin ningat ba, mirei bon yok tut cem.

AMOS 8:7

tuhan di mben Israel ide Allah pai tug hon neheng “Dingon prion ser igyai munti di mbuk bibor dima bi sren.

YUNUS 4:11

Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

NAHUM 1:4

Noni pai bak muk ngei bibindei ba, ningei pingge leu api minyei nya hagom ningei ngwig leu. Nungug Karmel kin ngoi dumti nya ei minu Basan ngak cai ba, mitou ei minu Libanon nya hagom nimeng mbris.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

ZAKHARIA 10:11

Tirigi isigon mun di nggruk tereu nok isigon muk ndigsi ne Da di tuhan midibui muk ngwa dip di roi leu api Minyei Pmem Nil pingge ug ei nijou bai bingak cai hak. Midicut mben Asyur di ingon jei nya inyeng bicut lene mben Mesir di mimbri kui ingkek nya ide nisindemti misar yon hak.

MBEN ISRAEL IMBUT-MBUT NYEN 10:9

Tirigi jinjei siceu mem gima jikon pran ba, jibiya ngkiem ser jide siceu di icut igkep je mem gima ipos jide minu dima lene ma jimiep pun mbrei dima hacem. Leu api Da di tuhan di dinok jide Allah midimpu jeni ba, diteu jeni bijingwes ngun leu jide siceu nya inda nsi.

MBEN ISRAEL IMBUT-MBUT NYEN 22:32

Lene malaikati dima hig ser noni “Nggon rino abui ade keledai mbiningai su i? Diya ser puig ba, dibigen ser na lewo dikan tut bipia ambutti dini njiriek tuhan ningon kanti.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.

NINGAT-HI-NGAT NYA 18:5

Lewo noni kum ei nide sisarti bikui sur mpia-bbed him. Allah kan kep nide sisar di nindig bibor.

SAMUEL GI NIGOM 1:19

Njap di hyep bu lene Elkana nya ikiju mem ha yausi ba, ikuk yok bak tuhan mbigom kin bu leu api ingkwei hanyen ug ei minu ndig Rama. Jei bi lene Elkana kin Hana igyem njita tut yam apino tuhan buhup Hana nihyet po ngat nadi pima.