NITRITI 7:7 - ALLAH NIHYET MEM TUNGWATU NYA

⁷ Noni coi ug ei kibar nsi tut nitnem kin nipmot bat nya bitut itnem bat nya cem yahagom leu binhyepo ingwes ngun leu minyei di su nindig bibor.

NITRITI 7:7 ပူးပေါင်းရင်းမြစ်များ

NITRITI 6:18

Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

NITRITI 7:1

Lene tuhan pai bak Nuh “Dingat bou diyai him bipia nangkom ayai midyai bit leu dingon kanti. Gima rino ma nani kin ade ig bei nsi nya jahagom jicoi ug ei kibar nsi hak ug.

NIPINGOK NINGONTI 22:3

Gino yo di ipmem bat nya imiep ingon tu nya itau kep mun di nahanok micut igkep yok ne imbres yonti leu noro bon yo di ingon mbum nya yoom yonti leu kan bi apino itug midut.

MATIUS 24:38

Nipou pima tirigi minyei ut kep yok bigyo lene tungwatu nya igyem njita ba, idut ndia ngei lene iwak yam cem kikau ug bipek njap dino Nuh coi ug ei kibar nsi kep.

LUKAS 17:27

Tungwatu nya igyem njita bidut ndia ngei cem ba, iwak yam kikau ug bipek njap dino Nuh coi ug ei kibar nsi kep leu api minyei ut kep yok ba, yahagom isar bingwig.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.