NITRITI 7:13 - ALLAH NIHYET MEM TUNGWATU NYA

¹³ Ei njap gom ndia Nuh ya tut nitnem kin nipmot bat Sem kin Yafet kin Ham kin itnem bat nya cem bicoi ug ei kibar nsi.

NITRITI 7:13 ပူးပေါင်းရင်းမြစ်များ

NITRITI 10:21

Lene Yafet nikindig Sem nok pung di mben Ibrani yahagom intun him.

NITRITI 10:6

Ham nimunggwom bat di intun noni him inyeng rino Kus kin Mesir kin Libia kin Kanaan.

NITRITI 5:32

Tirigi Nuh de njap ug ei ari bingwam sratus muhwi lene noni yai nimunggwom bat nya ibou ningai bijem yoni inyeng Sem kin Ham kin Yafet.

NITRITI 6:10

Lene Nuh yai nipmot bat nya ibou ningai di inyeng Sem kin Yafet kin Ham.

NITRITI 6:18

Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

NITRITI 7:1

Lene tuhan pai bak Nuh “Dingat bou diyai him bipia nangkom ayai midyai bit leu dingon kanti. Gima rino ma nani kin ade ig bei nsi nya jahagom jicoi ug ei kibar nsi hak ug.

NITRITI 7:14

Ba, mindhe-ndhe di tungwatu nya ighyen kep kin gi hi di ibong bigbehei nya gi nindig kin nimien nya kin ha nya kin mun di srei ei dihyeisi hagom bidem mindhe-ndhe nyeng hagom icoi ug ei kibar nsi.

NITRITI 8:14

Ug ei bed gi nican ba, njap gi ningot can ba, muhwindacan lene dihyei ninjek dip hagom ngga kei.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.

NIJAM NIKEI NYA 21:22

Gino icig kin ikijam bat nya ikwei kak tut je lene ma jipai biyok ‘Nahara mem je leu binhyepo jikes yok binye hak ug. Nipos yoni leu je tug hon nikon pranti bi. Gino jiba jinda bikuk yok binye lene mijingwes ngun leu nisigionti po jice tut yam tut pima bi.’ ”