NITRITI 6:5 - ALLAH NIHYET MEM TUNGWATU NYA

⁵ Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 6:5 ပူးပေါင်းရင်းမြစ်များ

NITRITI 13:13

Mpe dima lene timiei minu ndig Sodom nya imbuk bibor ba, ibon sisar tut tuhan.

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

AYUB 15:16

Gino Allah ba ningon com yok bi lene notou mem no di kinei-kinau kin no di ningon rom di dahat nikibou ei nibon mun di kinei biborti noyam kin gi dahat nikibou ei minyeiti he i?

AYUB 22:15

Abungwam ba, ambut kak puig di yo di isibut nya ikak ninno tu e?

MAZMUR 53:2

Yo di ingon mbum ikan “Allah hi bi.” Ibon munti nya sibut bibor ba, kinei bibor cem. Hi di bon mun di kei bi.

NIPINGOK NINGONTI 6:18

kin ningon di kos dat mun di mbuk bibor kin nimig di dia tut gima bipbur ndam mun di kinei,

NIBA NINGON SRIP HUKTI 7:29

Gi ndi duum hak rino “Tirigi Allah bibon nye lene joi sut nye noro nyenti rino iluei itta ba, inok mun di ngot-nga.”

NIBA NINGON SRIP HUKTI 9:3

Ba, mun di Allah kos tut ei mem tungwagom-gom mipek kep mem yok bibikwop yahagom. Gima ne mun nyeng gom di biyai ingon di buhun rin ba, noyam kin mun nindigsi nya di pek kep mem tungwatu dihyeisi dini hagom. Tirigi tungwatu nya ingonti mpung tut mun di buhun ba, ibou ngwakti cem mpung tut ningon mbumti cem mem nijam di igyaijo ei dihyeisi dini. Leu api innei kimbas kros hak.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEHEZKIEL 8:12

Allah pai bida “Na di tungwatu di ayaijo kikau bi e, angat mun di nibou minu Israel nya ibon ku dima yok e? Ikuk yok ei ninsi di mpung tut kwar nya lewo ikan bigya dikes minu dini ei su bidingat ide nibon munti dima bi.”

YEHEZKIEL 8:9

Noni pai bida bu “Ma acoi ba, angat nibon munti di kinei bibor di bindei ba, igyai ttin ninyeng gom di ibon ei dima.”

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

MATIUS 24:37

Lewo Munggwom Tungwatu Nipmot nittau hanyenti midem kep nok nijam di Nuh gwam ei dihyeisi dini.

LUKAS 17:26

Lewo Munggwom Tungwatu Nipmot nittau hanyenti midem kep nok nijam di Nuh gwam ei dihyeisi dini.

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

TITUS 3:3

Lewo nipou ne nyeni cem ingon tindur cem israwir cem ibit nihyet bi cem ba, inok awak mem ingut kanti nya kin mun di ingat ingwes eisi nya. Igyai munti nya sibut bibor cem ingon kinei sut yam cem ingon mpo tut tungwatu nya yahagom ba, yahagom ingon mpo tut nye.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.