NITRITI 6:18 - ALLAH NIHYET MEM TUNGWATU NYA

¹⁸ Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

NITRITI 6:18 ပူးပေါင်းရင်းမြစ်များ

NITRITI 17:21

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

NITRITI 17:4

“Dipreu ei bit na bipia mporo midibindei ba, anok pung di mben imang bibor intun him.

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 7:1

Lene tuhan pai bak Nuh “Dingat bou diyai him bipia nangkom ayai midyai bit leu dingon kanti. Gima rino ma nani kin ade ig bei nsi nya jahagom jicoi ug ei kibar nsi hak ug.

NITRITI 7:13

Ei njap gom ndia Nuh ya tut nitnem kin nipmot bat Sem kin Yafet kin Ham kin itnem bat nya cem bicoi ug ei kibar nsi.

NITRITI 7:7

Noni coi ug ei kibar nsi tut nitnem kin nipmot bat nya bitut itnem bat nya cem yahagom leu binhyepo ingwes ngun leu minyei di su nindig bibor.

YESAYA 26:20

Ditde limwa nya e, ma jicoi ug ei jide ig leu api jinggam dimbou a. Jiku je sri bibou tuhan niggati cut leu e.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.