NITRITI 6:17 - ALLAH NIHYET MEM TUNGWATU NYA

¹⁷ Lewo dibindei ba, minyei su nindig bibor ba, ut kep dihyei ninjek dip hagom leu binhyepo kot mun di ninnei tau nuhwap nsi nya hagom. Mun nyeng hagom ei dihyeisi dini misar ug ri.

NITRITI 6:17 ပူးပေါင်းရင်းမြစ်များ

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

NITRITI 6:13

Gima rino Noni pai bak Nuh “Dikos tut bipia midicok tut tungwatu nya yahagom. Lewo ibon munti di kinei nya kieng kep dihyei nisurti-nipekti hagom tu. Gima rino midicok tut yok bitut dihyeisi dini.

NITRITI 6:16

Amie kibar ba, atu mihyeti nanaisi meter niken ei dring kin cau ikieti. Ma abon ninggre ningai di jo-jo yam dip leu api atu dimbou heisi ei nitta.

NITRITI 6:7

Gima rino Noni pai “Siciu ser tungwatu di sipai tes nya bitut mindhe-ndhe nya kin ha nya hagom hak ug lewo singon ngkwei leu gi po sipai tes yok pima.”

NITRITI 7:15

Bikwop mun di ninnei tau nuhwap nsi nikre hi niwek hi bit leu mindhe-ndhe nyeng hagom icoi ug ei kibar nsi bit Nuh.

NITRITI 7:17

Lene minyei kindi ut kep dihyei ninjek dip ba, ug ei njap ningot bitai pima rino kui bikon kibar bipiar ei minyei ngwa dip.

NITRITI 7:4

Lewo njap muhwindacan bu lene midibindei ba, mpia but mbras ug ei dihyeisi kikau mem mmun-njap ningot bitai apino mun di dipai tes nya hagom sar tut niyaisijo.”

NITRITI 9:9

“Nogindini dibon Ditde gi preu bit nani kin yo di intun nani him bu.

AYUB 22:16

Yoni imai urung nipou tirigi njap dem mem gima imai bigyo. Lene minyei su bihwen yok.

MAZMUR 107:34

Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

MAZMUR 29:10

tuhan ninyeng tak kep muk ndigsi di jut bibor ba, ninyeng tak kep nok Nibou Ndig bijo ninno bijo kikau.

NEHEI LEUSI 14:17

Midibindei ba, mben Mesir ingkek ndok bibor apino yoni miyuhuk bram je di mben Israel kak muk tti leusi. Leu api midindo Ditde nisindemti brei bak Firaun kin nide tentara nya kin nide kroba pran nya kin nide yo di ibri bikrau nya.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 54:9

“Bit leu nok gi po dipreu ei mem Nuh pima bipia minyei misu buut kep dihyei ninjek dip bu bi sren. Dipreu ei mem nani nogindini bipia dingon misibui sut na ba, midicuug na bu bi sren.

YEHEZKIEL 34:11

tuhan Di Ninyeng Jei Bibor pai “Dangkom midinggok ser Ditde domba nya leu api dehek tut yok,

YEHEZKIEL 34:20

Gima rino je di jinok domba di jimmau ndok nya e, Da di tuhan Di Dinyeng Jei Bibor dipai bije bipia midigwam nok nikei ei domba di imbut sindem nya kin domba di inghuisi jet nya ikieti.

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

YEHEZKIEL 6:3

Ma acuk nungug nya kin mbigdip nya kin pimbien nya kin mbang briep nya tut mun di Da di tuhan Di Dinyeng Jei Bibor dipai sut biyok. Ma acuk yok bingig itingou mem ba, yahati tut mun di dipai dima yok. Dipai dihyet di nijit bipia midipinak singau simeda mem gima bindei sar mpia di tungwatu nya ikuk yok bak kwar eisi nya.

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

IMAM NYA IDE MIDYAI 26:28

lene midiba dingon di sibui bittem jeni ba, midikes hukum mbimuhwindacan bram yam ei jeni dip bu ba, gima buhun bibor dor njiriek gi nipou nya.

AMOS 9:6

tuhan ngot Nide ig anai bibor ei mpia-bbed him. Noni pek mpia-bbed him ei anai leu dihyeisi dini noyam kin niban lene siber muk ngei ug ei mam bei. No di yai midyai dini hagom ninyeng rino tuhan!

MATIUS 24:39

Noro ikan tut mun di micut igkep yok bi. Apino minyei ut kep yok ba, yahagom isar bingwig. Nok gima cem tut njap dino Munggwom Tungwatu Nipmot nikwei hanyenti.

LUKAS 17:27

Tungwatu nya igyem njita bidut ndia ngei cem ba, iwak yam kikau ug bipek njap dino Nuh coi ug ei kibar nsi kep leu api minyei ut kep yok ba, yahagom isar bingwig.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.