Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NITRITI 50:24 - ALLAH NIHYET MEM TUNGWATU NYA

24 Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

အခန်းကိုကြည့်ပါ။ ကော်ပီ




NITRITI 50:24
34 ပူးပေါင်းရင်းမြစ်များ  

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.


Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.


Nogindini ma ambut bidem minu dini nisurti-nipekti hagom leu mporo midiyai hagom bina yo.”


Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.


Lene tuhan pai binoni “Dani ne tuhan rin ba, dibuwak nani kwei leu atimieisi ei minu ndig Ur ei minu Babilonia leu binhyepo dipek minu dini hagom bina nok ade hanjop nsi.”


Lene Abram buhup “tuhan Di Ninyeng Jei Bibor e, notou midikan tut bipia diba dakep minu dini hagom i?”


Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”


Lene tuhan njei mun di kei bak Sara bit leu nok noni preu sut ei mem noni nipou su.


Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.


Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.


Suar acom amuhup nindig bibor tirigi ayai miai ba, ahanggwap mbilen kikau bibou abingkwei hanyen ug ei dihyeiti lewo dibon nani leu dihyei dima. Dibon nani leu dihyei ba, mporo angkwei hanyen ug ei dihyeiti.”


Diyai minu po diyai bak Abraham kin Ishak nipou su dini hagom binani bu leu api yo di intun nani him mporo migyati nok ide minu ninda rom.”


Midingat rin bit na bidinyohou na kikau ug ei minu Mesir. Ei nidipti bu ne midibuwak ade nintun him yamti di bram yam nya hanyen kwei ei itimieisi dini. Yusuf migwam bit na binam ninda bidwip ayai mpau tirigi annei kimbas a.”


Son dideu nide njap ningwig honti lene noni sok nihyet mem nipmot Yusuf kwei lene pai binoni “Ma asu anda ei diko kieti gi bindo bipia tirigi dimai leu su lene ma atig dingut ei minu Mesir au.


Lene Yakub pai bak Yusuf “Jo nibreisi bipia son dideu diyaijo ningwig honti tu. Noro Allah minyohou jahagom leu api buwak jahagom hanyen ug ei jidigup bat-jidigai bat nya itimieisi.


‘Tirigi dicig mai bigyo lene noni sok kep da ngkiem bipia suar duug tig ningut ei hak mihyeti di noni tin ei su ei minu Kanaan. Gino Firaun sindui sut da bikes da lene duug tig dicig ningut ei sirima leu api midikwei hanyen yo.’ ”


Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.


Hammi tirigi ari bingwam sratus bitai ningot ningai dima ngwig leu su rino tuhan de limwa nya bikwop ide mben yahagom imbut bihigom leu minu Mesir.


Ei njap dima ne tuhan buwak mben Israel yahagom bingwes ngun leu minu Mesir.


Lene Musa cuk nide limwa nya bikon brua tut Yusuf ningut bittei bit leu nok Yusuf ba neheng bicuk yok nipou su. Mpe di pima ne noni pai “Tirigi Allah teu je bijingwes ngun leu lene jiket dingut ba, juug sut leu minu dini.”


Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.


Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.


Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.


Mpe dima lene gino akui ug ei mpia di jo anai bibor ne ayai minang ba, anyohou mbut cem. Mpe dima lene abou tiei ba, amig buhun cem. Mpe dima lene angut kanti nya mipren bingwig leu api angon pri kep ndiyok bu bi. Tungwatu nya yuug ei ibong kepti gi ningwigsi ba, tungwatu di ingon ngguk tut yok nya sindi ipim-pim nyen kak puigya.


Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.


‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’


Sisar coi kwei ei dihyeisi dini tug hon tungwagom ba, nide sisar buwak nimaisi kwei. Leu api nimaisi kieng kep tungwatu yahagom lewo yahagom ibon sisar tu.


Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”


“tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.


Niba ningon comti bindei ba, son dideu Yusuf niyaijo ningwig honti lene noni tri tut mben Israel dima ingwes ngun leu minu Mesir ei nidipti bu. Noni pingok nide bat nya ingonti tut nisinati mem gima inyohou ningut tirigi noni mai.


Allah pai ei su bipia tungwatu nya yahagom imai mbigom ngat he leu api Noni mimbus ingonti.


Gi nipou mimbrek ngan tu ne ide pung Yakub ba mitiei perak ningat sratus gom bipek mpia ttou nsi gom leu yo di intun Hemor him. Hemor dima ne Sikhem nicig ri. Tirigi po mben Israel ingwes ngun leu minu Mesir pima lene ikon brua gom di ide pung di Yusuf ningut joti bimbut tut kak imbutti nya kikau kwei bipek njap dini kep. Leu api itig brua dima tut Yusuf ningut di joti ei mpia ttou nsi di Yakub pek ei Sikhem tu lewo Yusuf de nintun him yamti di bram yam nya iba yokep mpia ttou nsi dima tu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ