NITRITI 50:19 - ALLAH NIHYET MEM TUNGWATU NYA

¹⁹ Noro Yusuf buhup “Dwai! Jingon digit tut da au. Bit bon diya luei Allah nohoti kan bi.

NITRITI 50:19 ပူးပေါင်းရင်းမြစ်များ

NITRITI 30:2

Lene Yakub ningon sibui sut noni bibuhup “Bit bon diya luei Allah nohoti kan bi. Noni rino bindei dino apijet a.”

NITRITI 45:5

Ma jingon ku je ba, jidigit tut gi po jitri da nok awak pima bu au. Lewo ningat ne Allah buwak da bibie kwei ei mpia dini leu binhyepo dinyohou tungwatu nya imang bibor ser nhyepo imai inggum bi.

NITRITI 50:18

Lene nikindig bat nya ikwei om yo ei nimig him ba, iba ingwak bikik mpia lene ipai “Nikuk nye bininok ade awak nya hak ug.”

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

NIBOU NDIG NYA GI NICAN 5:7

Lo bi lene tirigi nibou ndig mben Israel kwop srat bokti dima lene ningon buhun bibor birik nide sinsun nibou ndig leu api simbot dat “Ayo! Nggon rino nibou ndig mben Siria kan bipia disindem mem gima dibindei ba, no dini miyai ningkek ngun eisi hanyen i? Noni kan bipia dani ne Allah rin ba, dibindei ba, tungwatu nya igyai niyaijo kin nimai e? Jo nibreisi bipia noni ba srat dini biwaisi da!”

MATIUS 14:27

Noro Yesus mbrua kep yok “Dwai! Dani ne Yesus ri. Ma jittin au!”

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

IBRANI 10:30

Lewo ikan tut No di pai “Midikes hukum ei tungwatu nya dip ba, dibirop hanyen biyok” kin No di pai “Tuhan mimbus Nide limwa nya ingonti.”