NITRITI 50:17 - ALLAH NIHYET MEM TUNGWATU NYA

¹⁷ noni pingok nyeni ningonti nok gini. Suar nahara bina leu binhyepo akos ser nyende sisar di nibon tunggwei sut na. Gima rino nibon nyenti nok awak mem icig de Allah ba, ma akos ser mun di nibon tunggwei sut na pima hak ug.” Tirigi Yusuf miap ighyet di isok kwei binoni lene noni pim ba, niyai nggwei kibor.

NITRITI 50:17 ပူးပေါင်းရင်းမြစ်များ

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NITRITI 45:8

Gima rino jo nibreisi bipia jeni rino jibindei di dingat rin ei mpia dini bi noro Allah rino buwak da kwei a. Ba, Noni rino bindei dino Firaun kon dinyeng bijo nai dor njiriek yo di igya kui noni nindigsi nya yahagom. Dinyeng tak kep timiei minu Mesir nya yahagom kin minu dini hagom.

NITRITI 49:25

Acig de Allah hati tut nani ba, Allah Di Sindem Bibor njei mun di kei bak nani. Mun di kei dima rinok biget di but kwei leu mpia-bbed him kin minyei di biam kwei leu dihyei jou kin munggwom imang bibor di intun nani him kin sapi nya,

NITRITI 50:16

Gima rino isok ighyet bak noni bipai bak “Andigpoi e, nipou tirigi icig mai leu nye bigyo lene,

NITRITI 50:18

Lene nikindig bat nya ikwei om yo ei nimig him ba, iba ingwak bikik mpia lene ipai “Nikuk nye bininok ade awak nya hak ug.”

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

MAZMUR 21:11

Ide nintun him yamti di bram yam nya hi dima niken jo bi. Lewo nibou ndig micok tut yahagom.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

MATIUS 10:42

Bikwop no di tin kau tut minyei mem no di bon ninyeng bi drek dip niya kui Dati lene ma jingon jo kep bipia Allah ba munkwas bibirop hanyen binoni!”

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 6:12

Akos ser mun di niyai tunggwei sut Na bit leu nok nyeni cem nikos ser hiter nya ide mun di igyai tunggwei sut nye.

MARKUS 10:41

Tirigi yo di igya kui Yesus nindigsi ibou simnai imiap tut mun di yo cin dima yahara Yesus tut lene ingon sibui sut Yakobus kin Yohanes.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

GALATIA 6:16

Handei kon ba, Allah singat tut Allah de limwa nya di ice tut bibit dicuk jeti dini yahagom ba, ingon jo nyahan.

EFESUS 4:32

Noro ma jingon nggriu sut yam bijibaningondut yam bijiba ningondut yamti bihati tut yam cem jingon nggriu sut yam ba, jikos ser sisar di jibon di bitut yam biyam cem bit leu nok Allah kos ser jide sisar tug hon Kristus tu.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.