NITRITI 50:13 - ALLAH NIHYET MEM TUNGWATU NYA

¹³ Ba, ikon ningut biyuug sut ug ei minu Kanaan leu api itig nimai ngut ei hak mihyeti Makhpela di jo dideu Mamre nite bei mpia nipriti ei hanjop nsi po Abraham pek leu Efron di timiei minu Het leu binhyepo tig nide nimai nya eisi pima.

NITRITI 50:13 ပူးပေါင်းရင်းမြစ်များ

NITRITI 23:20

Gima rino hanjop nsi bitut hak mihyeti di joti nya po mben Het inyeng tak kep pima rinok Abraham de bu ba, nok jui dip mem noni tig nide bat nya di imai ingut eisi.

NITRITI 23:9

leu binhyepo noni mitri hak mihyeti ei Makhpela ei nide ngoi dum ninghas him bida. Lene ma noni tri bida bou jahagom jiyai him bit leu nok nibok di joti. Lene midijem mpia dima bou da nok jui dip mem ditig ditnem ningut eisi.”

NITRITI 25:8

Niyati nddong leu api ninnei kimbas ba, noni ug bong bit nidigup bat-nidigai bat nya.

NITRITI 25:9

Leu api nipmot cin di Ishak Ismael nya itig ei hak mihyeti Makhpela dideu Mamre nite bei mpia nipriti. Ei hanjop nsi po Efron de pima ba, nicig Zohar ne mben Het pima ri.

NITRITI 35:27

Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)

NITRITI 35:29

Ninghim koi bibor leu api nide njap ngwig hon ei sirima. Lene nipmot bat cin Esau kin Yakub itig.

NITRITI 46:4

Midingat rin bit na bidinyohou na kikau ug ei minu Mesir. Ei nidipti bu ne midibuwak ade nintun him yamti di bram yam nya hanyen kwei ei itimieisi dini. Yusuf migwam bit na binam ninda bidwip ayai mpau tirigi annei kimbas a.”

NITRITI 47:30

Noro suar attei dingut ba, aug sut leu minu dini lene akon ug ei ditimieisi lene ma atig dingut bijo simiak dicig bat nya ijui dip.” Lene Yusuf ce bipai “Arig e, midiyai hagom bit leu nok acuk dati.”

NITRITI 50:12

Gima rino Yakub nipmot bat nya igyai hagom bit leu nok nicuk yoti.

NITRITI 50:14

Niabiati tirigi Yusuf tig nicig ningut leu su lene noni kin nikindig bat nya kin nikinjoi kin yo di ibit noni tut nitig nimaisi yahagom ingkwei hanyen ug ei minu Mesir.

NIBOU NDIG NYA GI NICAN 21:18

Manasye mai leu lene itig ei Uza de miai mitou nghousi di jo simiak nibou ndig de ig leu api nipmot Amon kui bigwam nok nibou ndig mem timiei Yehuda nya biya luei nohoti.

KISAH 7:16

Ide limwa nya ikon Yakub kin Yusuf ingut kwei ei Sikhem bitig ingut ei jui nsi di Abraham ba mitiei bipek leu Hemor nipmot bat nya.