NITRITI 50:11 - ALLAH NIHYET MEM TUNGWATU NYA

¹¹ Mpe dino timiei minu Kanaan nya imiap igbit ighyet di ipimti ei Goren-Haatad lene ipai biyam “Mben Mesir dima yok ita ibou ei gi ibon midut ningon di ngguk bram nimai ba, tot nyeni ingonti.” Gima rino ijem mpia dima ninyeng Abel-Mizraim.

NITRITI 50:11 ပူးပေါင်းရင်းမြစ်များ

NITRITI 13:7

Apino yo di ighyen kep Abram de mindhe-ndhe nya kin yo di ighyen kep Lot de mindhe-ndhe nya igbroi yam. (Mpe dima lene mben Kanaan kin mben Feris igya bidem minu dima hagom.)

NITRITI 24:6

Noro Abraham srep “E bi! Ma abuwak dipmot hanyen ug ei minu ting dima jit au!

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

NITRITI 50:12

Gima rino Yakub nipmot bat nya igyai hagom bit leu nok nicuk yoti.

NINDAT KEP TUHAN NICUKTI NYA 11:30

Nungug cin dima jo ei nite bei mpia nicutti leu Minyei Yordan nyai ei mben Kanaan di ibong ei Mbang Briep Yordan inyeng tak kepti. Hacem jo nite bei mpia nicutti dideu biei nghousi ei More di ipigig ser dideu minu ndig Gilgal.)

NINDAT KEP TUHAN NICUKTI NYA 3:25

tuhan e, ma asindui sut ba, disigon Minyei Yordan ba, duug dihip ei nite dima ug leu binhyepo dingat minu di nnum kei di jo nite dinyo kin nungug tou di kei bibor kei nya kin Nungug Libanon nya cem bou diyai him ug e.

NINDAT KEP TUHAN NICUKTI NYA 3:27

Noro aug hak ei Nungug Pisga ninggram him ba, acap ug ei nite bei mpia nijjai cem bei mpia nibiho cem bei mpia nipriti cem bei mpia nicutti cem hagom. Angig ayai kep mun di angat dima ba, aput mungkun kei leu mporo asigon Minyei Yordan ba, aug dihip ei nite hi bi sren.

SAMUEL GI NIGOM 6:18

Nok gima cem mben Filistin ipinak kwar ncup di iba mas bibon bibikwop ide minu ndig di ide nibou ndig ibou muhwi inyeng tak kep nya bitut ide minu ndig di bon ngug tig bikrop ttai kin ide minu mien di bon ngug tig bi nya cem. Hon kep njap dima kwei bipek nogindini kep lene tig nindig bibor ei Yosua di timiei Bet-Semes de beisi po imam nya ikes tuhan De Brua Gi Preu ei dip pima rinok tig nibiyok ngon kep mun di pek kep mem mben Israel.