NITRITI 5:29 - ALLAH NIHYET MEM TUNGWATU NYA

²⁹ Lene noni tri tut “Dihyei dini di tuhan mbriom tu bindei ba, nye di tungwatu igyai midyai di buhun tak nye ninno tu. Noro munggwom dini mibindei ba, nyeni igyai ingon di nggan-triot bu.” Gima rino noni jem nipmot ninyeng Nuh.

NITRITI 5:29 ပူးပေါင်းရင်းမြစ်များ

NITRITI 5:28

Tirigi Lamekh de njap ug ei ari bingwam sratus gom ningot muhwindaningai ba, can lene noni yai nipmot.

NITRITI 5:30

Lamekh yai Nuh leu api nide njap ug ei ari bingwam sratus muhwi ningot muhwindatai ba, muhwi bu ba, yai nimunggwom bat nya hi kin bu.

NITRITI 7:23

tuhan cok tut mun di niyaijo ei dihyeisi hagom tu. Nok tungwatu nya kin mindhe-ndhe nya kin ha nya hagom. Noro Nuh kin nide ig bei nsi nya yongkom ingwes ngun ei kibar nsi.

NITRITI 9:24

Mpe dino ba anggur pren leu Nuh ba, nibou ngwakti kwes hanyen leu api miap tut nipmot nipumiap niyai munti.

YESAYA 54:9

“Bit leu nok gi po dipreu ei mem Nuh pima bipia minyei misu buut kep dihyei ninjek dip bu bi sren. Dipreu ei mem nani nogindini bipia dingon misibui sut na ba, midicuug na bu bi sren.

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 14:20

mbro nok gino Nuh kin Danel kin Ayub nya ibong ei sirima lo, deheng bitug hon Da di Allah di niyaijo kin Da di tuhan Di Dinyeng Jei Bibor dinyeng bipia bit bon yoni iteu tungwa hi bitut yonti imunggwom bat nya cem bingwes ngun kan bi. Noro yonti njem he rima ingwes ngun tug hon ide nibon munti di kei nya.”

MATIUS 24:37

Lewo Munggwom Tungwatu Nipmot nittau hanyenti midem kep nok nijam di Nuh gwam ei dihyeisi dini.

LUKAS 3:36

Salmon ntun Kenan him ba, Kenan ntun Arpakhsad him ba, Arpakhsad ntun Sem him ba, Sem ntun Nuh him ba, Nuh ntun Lamekh him ba,

ROMA 8:20

Lewo Noni sindui sut nipai testi hagom ba, nna ei. Nipai testi kos tut nok gima bi noro Allah kos tut nok. Mbro nok gima lo, Allah yok Ningon mem,

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.