NITRITI 5:22 - ALLAH NIHYET MEM TUNGWATU NYA

²² Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba,

NITRITI 5:22 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 24:40

Lene noni buhup bida bipia tuhan di noni bit nihyet habiei kwei bipek ammani kep micuk Nide malaikati hi kin da leu binhyepo diyai hagom bit leu ningon kanti. Mporo midibuwak sop gom leu nide bat nya ikieti mem nipmot nok nitnem.

NITRITI 48:15

Lene noni ngat nadi tindei Yusuf bipai, “Nna ba Na di Allah di dicig kin dignyon ikuk yok bak e, Na di anyohou da habiei kwei bipek ammani kep tu e,

NITRITI 5:21

Tirigi Henokh de njap ug ei ari bingwam ningot muhwindagom ba, muhwi lene noni yai nipmot Metusalah.

NITRITI 5:23

nide njap ug ei ari bingwam sratus ningai ningot muhwindagom ba, muhwi.

NITRITI 5:24

Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

MAZMUR 116:9

Gima rino dikan tut bipia tuhan ningat rin bit da mem nijam dino diyaisi jo ei yo di igyaijo nya ikieti.

MAZMUR 128:1

Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

MAZMUR 26:11

Noro tut dani ne diba dingon sren kei bidimig diyaijoti. Gima rino angondut da ba, ateu da leu mun di kri kep da!

MAZMUR 56:13

Allah e, midiyai mun bipek kep ditde nipreu ei mem Nati tu nya. Midibon midut nibipai sigyoti biNa tug hon mun di dikes bijo ei nimbar hum dokti.

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

NEHEI LEUSI 16:4

Lene tuhan pai bak Musa “Nogindini midibindei ba, njita nindig bibor micut hwou ndam jahagom leu mpia-bbed him. Ma tungwatu nya ikam njita dima bikwop njap ba, ikam nok gi dem mem njap gom ndia. Gima rino midibingon yok leu binhyepo dikan tut bipia ibit Ditde nicuk yokti nya.”

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

HOSEA 14:9

Mben Israel micom ide kwar di ikuk yok bak nya bingwig leu yok leu api dinyohou yok bidibuhup ide nadi. Midiya srak ko hagau yok noyam kin biai mbrei di bon nimbrinap di nggrou kei lewo Dani ne nibousi mem ide mun di kei nya hagom. Da di tuhan disimbot dat tu.”

IMAM NYA IDE MIDYAI 26:12

Midingat rin bit je. Midinok jide Allah lene mijinok Ditde limwa nya.

AMOS 3:3

Ibou can di itin ei mem ittei yam ne isimbot kep biyam tut mpia di yuum yam eisi nipou tirigi imbut bigyo bi e?

MIKHA 4:5

Bikwop mben hagom ei dihyei njek dip dini ikuk yok bak ide kwar bibit kwar nihyet. Noro tut nyeni ne ikuk nye bak tuhan di nok ide Allah bibit nihyet bijo ninno bijo kikau.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MALEAKHI 2:6

Mpe dima lene yoni ingginau mun di igbit bak tungwatu nya lene imbres yo leu mun di igbit bi. Ingon kwes kin Da lene iba ingon di kwes kei bibit leu dingon kanti nya. Impu yo di hiter cem leu binhyepo yo dima igyai munti nya kinei bibor bu bi.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

KORINTUS GI NIGOM 7:17

Ma bikwop tungwagom-gom nyohou dimig niyaijoti bit leu Allah nibie tut noti ba, noyam kin Allah ningon kanti tirigi Allah hig noni ba, ningon jo kep Allah. Ditri tut ditde nipingok jeti dini ei mbusyameisi hagom bidem minu.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 28:9

Gino jibit jide tuhan Allah nihyet bijiyai igbit nicuk jeti nya hagom lene Noni mibindei ba, jinok Nongkom Nide limwa nya bit leu nok gi po preu ei mem je pima tu.

NINDAT KEP TUHAN NICUKTI NYA 5:33

Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 4:5

Tirigi jipriet kin yo di ingon jo kep bi nya lene ma jiba jingon di ki biyai jibou tut yok bikwop nikwesti hagom.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.