NITRITI 49:9 - ALLAH NIHYET MEM TUNGWATU NYA

⁹ Yehuda ne singa nehen pap di briug nide mun di yem bingwig ri. Leu api noni ngkwei hanyen ug ei nahamti bitit nimig ninda bibong nyahan ba, hi brim ningkek mem gima bindin noni bi.

NITRITI 49:9 ပူးပေါင်းရင်းမြစ်များ

NIBOU NDIG NYA GI NIGOM 10:20

yeheu singa ningat bibikwop lin mbrei niyenti nya sur nicoti nya muhwindagom pima ba, bihi ei ninda com lene bihi ei ninda prak. Ba, singa ningat nimangti ningat simnaibrimigcan. Nibou ndig mben ngkiai bidem dihyeisi dini hagom hi gwam ei banggo mbrei di nok Salomo de dip bi sren.

NIBOHON MBEN ISRAEL GI NICAN 9:18

Banggo mbrei dima bon mun di bahati tut nibou ndig ninda pang ei nite hi nite hi ba, yeheu singa ningat can di joti. Banggo mbrei dima bon nicoti muhwindagom di iba mas bikingkrai. Lene ibon bilen gom mem nimig di iba mas bikingkrai ba, bilen dima ibinut banggo mbrei binok gom.

YEHEZKIEL 19:5

Nipmem mem kep ser nimunggwom nikwei hanyenti noro niyok ningon mem nikweisi pren bingwig. Leu api pingok nipmot hiter bu binok singa di niten-pos di mimbri kui ningkek.

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

MIKHA 5:8

Mben Israel mibindei timek ide siceu nya bicok tut yahagom ningwig a.

MBEN ISRAEL IMBUT-MBUT NYEN 23:24

Lewo keret dima ikiju kui dem kep nok mindhe singa niwek. Yoni igya ngkiem dem kep nok mindhe singa nikre. Singa dima mibong kep ninghuisi bi bibou ham nimbiam biyem ninghui ba, dut nimbiam ninggrom ug e.”

MBEN ISRAEL IMBUT-MBUT NYEN 24:9

Mben Israel dem kep nok mindhe singa nikre kin niwek di bong mai kep ninghuisi. Tou ribrim ningkek biwin noni i? Tungwa tou rino ngat nadi tindei mun di kei mem yok miyai mun di kei hanyen leu Allah. Tungwa tou rino mbriom yok mitug ndei nimbriomti hanyen leu Allah.”

KORINTUS GI NIGOM 15:24

Njap dima ne njap ningwig honti ri. Mpe dima lene Kristus mibindei timek nibou ndig di inyeng tak kep mpia-bbed him kin nibou ndig di inyeng tak kep dihyeisi dini nya kin nisindemti nya hagom. Leu api Noni mitug Ninyeng Tak Kepti hanyen bak Nicig Allah.

NINDAT KEP TUHAN NICUKTI NYA 33:20

Lene noni pai sut keret Gad bipai, “Jikwei ba, inggei sut Allah di pek hanjop nindig bibor bak yoni. Keret Gad gwam nyahan nok mindhe singa bibet ningon mem gima ham mindhe ninda kin nibou ngkek nok mikwau.

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”