NITRITI 49:8 - ALLAH NIHYET MEM TUNGWATU NYA

⁸ Na di Yehuda e, akindig bat-akinjoi bat nya mporo minggei sut na. Lewo akimukep ade siceu nikimama. Gima rino akindig bat-akinjoi bat nya yahagom mikuk yok bina ba, iba ingwak bikik mpia ei aho bei.

NITRITI 49:8 ပူးပေါင်းရင်းမြစ်များ

NITRITI 27:29

Nna ba mben nya hagom ibon yonti nok awak mem na bibit ahyet. Nna ba anyeng tak kep ade bat nya yahagom leu binhyepo yo di intun apmem him yahagom ikuk yok ei amig him. Nna ba yo di isigion na yahagom itug ndei nisigionti hanyen ba, yo di ingon kei sut na lene yoni cem mitug ndei mun di kei bu.”

NITRITI 29:35

Jei bi lene noni tta buhun hanyen bu bigwam tut nipmot hi kin bu. Lene kan “Mpe dini misinggei sut tuhan.” Gima rino noni jem nipmot ninyeng Yehuda. Leu api noni yai munggwom bi ei nituti poi.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 46:12

Kin Yehuda bitut nipmot bat di inyeng rino Syela kin Peres kin Zerah. Nipmot bat cin Er kin Onan imai leu noni ei minu Kanaan nipou su. Kin Peres nipmot cin di inyeng rino Hezron kin Hamul.

SAMUEL GI NICAN 22:41

Abindei ba, ditde siceu ikiju binang leu da apino dibindei sar yo di iba nitok bida cem yahagom.

SAMUEL GI NICAN 24:9

bipai sut inyeng di ipas kep kin tentara nya imangti bak nibou ndig. Pinai Israel nya di idem mem gima ikon pran imangti ibou sribu sratus muhwindaningai lene pinai Yehuda nya ibou sribu sratus muhwi.

SAMUEL GI NICAN 5:3

Lene Daud kin nibou mben Israel yahagom ipreu ei biyam ei tuhan niyai him leu api nibou nya ita Daud nok nibou ndig mem mben Israel cem yahagom.

NIBOHON MBEN ISRAEL GI NIGOM 28:4

tuhan Allah di mben Israel ikuk yok bak dimig dani kin ditde nintun him yamti di bram yam nya ei mem gima ninyeng tak kep Israel bijo ninno bijo kikau. tuhan dimig keret Yehuda lene ndo dicig nide ig bei nsi nya leu nindigsi di intun keret Yehuda him. Lene Noni dimig dani leu dikindig bat nya ikieti ei dicig nide ig bei nsi dima. Lene bikon dani bidigwam nok nibou ndig leu binhyepo dinyeng tak kep mben Israel yahagom.

NIBOHON MBEN ISRAEL GI NIGOM 5:2

Noro keret Yehuda rino sindem bibor dor njiriek keret nindigsi nya hagom. Nok gima cem no di ntun keret Yehuda him rinok nibou ndig gi nimbie him ngat mem mben Israel yahagom.

NIBOHON MBEN ISRAEL GI NICAN 14:8

Nibou Ndig Asa de tentara timiei Yehuda nya ikrau mun di ibipukep siceu ide minggwen bibikrau kin micim imangti ibou sribu sratus ningai. Lene nide tentara timiei Benyamin nya ikrau mun di ibipukep siceu ide minggwen bibikrau kin hampiap kin tibor ei inda him dima sok yam ibou sribu sratus can ningot muhwindaningai. Mimbri kui tentara dima yok yahagom ingkek ba, igyok ngon kep ningginausi tut notou ikon pranti mungkun kei.

NIBOHON MBEN ISRAEL GI NICAN 15:9

Keret Efraim kin Manasye kin Simeon nya ibicom yam bit Asa bibong bidem ei nide minu di ninyeng tak kepti nya nipou su. Lewo jo nibreisi mem yok bipia tuhan mpu noni tu. Lene Asa nduk yo dima kin timiei minu Yehuda Benyamin nya kwei ba,

NIBOHON MBEN ISRAEL GI NICAN 17:2

Noni kes nide tentara nya ba, igya bidem minu ndig di bon tentara nibousi di igya coi nya ei minu Yehuda hagom ba, igya bidem minu ndig ngot ei Yehuda nisai nya hagom ba, igya bidem minu ndig ngot di nicig coi di yai biyati nya ei hanjop keret Efraim cem hagom.

NIBOHON MBEN ISRAEL GI NICAN 30:11

Noro yo di intun keret Asyer kin Manasye kin Zebulon him pima bihi ijoi sut induk yam ug ei minu ndig Yerusalem.

MAZMUR 76:1

Doia Asaf mem no di bie tut doia nimpung ba, ipai doia dini bibibit nggong mbrei nibimbiti.

YESAYA 9:7

tuhan simbot dat tut hukum di Noni mikes ei mben Israel dip tu.

YEHEZKIEL 21:29

Ningat-hi-ngat di jingat dima ne ningat-hi-ngat di nitrowai rin lene jide nimbot kep tut mun di mipek kep ei nidipti bu cem nisuglai he rin ba, jiris mun nitu he. Jisibut bibor ba, jinjiriek dihyet cem. Tto bou mem jide hukum nicut igkep jeti dideu su. Singau simeda dima mikos jikimam.

MBEN ISRAEL IMBUT-MBUT NYEN 10:14

Bikwop mpe dino imbut lene injei bram yam bit leu nok nicukti tut nimpung nya. Nimpung tentara di igwam coi minyahas nibicom yam Yehuda nya ibie ngat. Ba, nimpung tentara hi njei leu lene hi njei bram bu lene nok. Nahason di Aminadab nipmot ne nibou di bie tut nimpung keret Yehuda ri.

MBEN ISRAEL IMBUT-MBUT NYEN 26:20

Yo di intun keret Yehuda him nya rino Syela nide bat nya kin Peres nide bat nya kin Zerah nide bat nya.

MBEN ISRAEL IMBUT-MBUT NYEN 26:22

Pinai nya di intun yo dima ide bat nya him imangti ibou sribu ningot muhwindacan muhwindagom ba, sratus muhwi.

NINDAT KEP TUHAN NICUKTI NYA 33:7

Lene noni pai sut keret Yehuda bipai “tuhan e, ma angig atingou mem ighyet tirigi yahara Nani. Abindei ba, inok gom kin isut bat keret nindigsi nya. tuhan e, atti kin yok tirigi ikon pran ba, ampu yok tirigi ihwen ide siceu nya.”

IBRANI 10:13

Noni gwam ei mpia dima mem nijam dini kikau bibou Allah om Nide siceu nya yahagom ba, inok bilen mem nimig ug e.

IBRANI 7:14

Tungwatu nya yahagom ikan tut bipia ide Tuhan ntun keret Yehuda him. Lo, no di nggre kin keret Yehuda hi yai midyai nok imam bi sren.

YOSUA 10:24

igya hak ei Yosua noho bei. Lene Yosua nduk tentara Israel yahagom kwei leu api hig nibou tentara di injei bit noni bikon pran nya kwei leu binhyepo ico kep nibou ndig dima yok inggibi kin mpia.

YOSUA 15:20

Daptar minu ndig dini jug nya tibim tut minu ndig di keret Yehuda itug ndei bigyati.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”

NIJAM NIKEI NYA 20:18

Lene tentara Israel yuug ei minu ndig Betel gumihyep di ikuk yok bak Allah eisi dima ba, ihig ser Allah “tuhan e, keret di tou leu nyeni nikieti rima suar ug kon pran bit tentara keret Benyamin nya bibie i?” Lene tuhan buhup “Tentara keret Yehuda.”