NITRITI 49:6 - ALLAH NIHYET MEM TUNGWATU NYA

⁶ Tirigi yuhum yam nsi lene midisrig yokti bi. Tirigi igyok ingon gom lene dinnei minok gom kin yok bi. Lewo igga-gga wai apino ihwen tungwatu nya ugwai-gwai cem ba, itot sapi nya ikien cem ugwai-gwai.

NITRITI 49:6 ပူးပေါင်းရင်းမြစ်များ

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

SAMUEL GI NICAN 8:4

Mpe dima lene Daud kat tentara di iba kuda di ibikon pran kan nya ibou sribu gom sratus muhwindacan kin tentara di imbut imig ibou sribu nyatungwagom cem. Leu api Daud cuk nide tentara nya ba, ikos kuda dima yok imig kien ninggiluk noro sindui sut kuda poi di nimangti dem mem gima ikri kroba pran ningat sratus gom bigya.

NIBOHON MBEN ISRAEL GI NIGOM 18:4

Noro Daud pos Hadadezer de kroba pran ningat sribu gom. Lene kat tentara di ibri kuda igkei nya ibou sribu muhwindacan kin tentara nindigsi ibou sribu ningot can bibindei ba, isima. Noni bet kuda nimangti nok gi dem mem gima ikri kroba pran sratus gom noro kos kuda nindigsi imig nggiluk leu.

MAZMUR 1:1

Bikwop no di bit yo di isibut nya ide nipingok noti cem yai bram yo di ibon kep sisar nya igyai kepti bi tti kin yo di ighyet wer mpiahi tut Allah cem bi,

MAZMUR 103:1

Doia Daud. Dinnei e, ma anggei sut tuhan! Danti njem-nnei e, ma jinggei sut ninyeng di kwes-kwau.

MAZMUR 139:19

Allah e, nnaba akes hukum nimai ei yo di isibut nya dip. Nnaba ajji yo di imbuk nya ug ei minu ting bibor leu da hak ug!

MAZMUR 16:9

Gima rino dingon llei-lau ba, dinnei mbos-hi-mbos. Mbro nok gino dingut dini mipror yon lo, dingon jo nyahan lewo diba dingon com Na.

MAZMUR 26:9

Ma ayai nimai bida bit yo di ibon sisar nya ba, akus dinnei leu bit yo di isiber tungwatu nggrom nya au.

MAZMUR 28:3

Ma abindei sar da bit yo di isibut dima yok au. Yo dima ighyet mmau noro ingonti mpung tut mun di mpiei.

MAZMUR 30:12

Aluei ditde nipim nggruetti pima binok ningon nggei-hi-nggeisi bu. Akwek ningon di ngguk leu da leu api abindei ba, dingon mpung tut ningon nggei-hi-nggeisi.

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:5

Tirigi diyok ngon kep mpe di po diya tut disut bat kin dide bat nya binicoi ug ei tuhan De Ig mem njap ndig bidibie tut yok ne dingon ngguk bibor. Mpe dima lene nahagom ningon llei bibor ba, nipai doia cem ba, niba nimbos-hi-mbos binggei sut Allah.

MAZMUR 43:5

Nggon rino dingon ngguk bibor nok i? Nggon rino dingon buhun bibor nok i? Diba dingon com Allah. Midinggei sut Noni hanyen bu bidikuk da bak lewo Noni teu da bidingwes ngun tu.

MAZMUR 5:10

Lewo bit bon hi ba ningon com ditde siceu di iba nitok bida ighyet kan bi. Ingon mpung tut ide nitin ei ningon kanti di kinei bibor. Ikes ighyet di mmau kei di brim tungwatu nya ingon noro ingon bei mien mpung tut mun di mpiei ningkom.

MAZMUR 57:8

Allah e, diba dingon di ngkiem kei bicom Nani o! Midipai doia bidibikon anyeng o.

MAZMUR 64:2

Allah e, angig atingou mem ditde nadi mpe dino duum mun di buhun. Ateu da bidingwes ngun leu ditde siceu di bindei bidittin bibor.

NIPINGOK NINGONTI 1:11

Gino yuhum ansi bipai “Akwei ba, ibisinggre mem gima itindei ser tungwa hi bihwen no di bon mun tunggwei hi bigyo!

NIPINGOK NINGONTI 12:5

No di ningon sren kan-kan nyen tut ningat di kei nya. Noro ma aba angon com no di sibut nipingok nati au.

YEREMIA 15:17

Dibon nituti mem gima dipriet kin yo di icat ei munti kin yo di isimbot kep biyam tut mun di mipror yon bi. Digwam bidangkom bit leu nok acuk dati apino dingon sibui nindig bibor.

YEREMIA 4:19

Dingon buhun bibor! Dingon ngkiem tut niwei bu bi! Dem mem gima doom kep danti bidigwam nyahan bi! Dingon pri ndei dingget ninsi. Lewo dimiap pun mbrei nugwei bong ba, siceu nya ighyet sra tut pran tu.

LUKAS 12:19

Leu api misipai bisanti ‘Singon nggei-hi-nggei! Sima mun nyeng hagom tu. Sinyeng tut njita bijo kikau ba, ngwig leu sa bi. Ma sibong kei sigwam kei! Siyem njita di kei bisidut ba anggur ngei cem lene ma siyai mun bit leu singon kanti hak ug!’

KORINTUS GI NICAN 6:14

Ma jinok gom kin yo di ingon jo kep bi nya bijiyai midyai bit yok au. Lewo gima dem tut bi. Bit bon mun di kei kin mun di kinei bicom yam nok gom kan bi. Bit bon nipigati bicom yam bit nidinditi kan bi.

NINDAT KEP TUHAN NICUKTI NYA 27:24

‘Ma tuhan sigion no di bisinggre biyai nimai bak hiter niku.’ Lene ma limwa nya yahagom ibuhup ‘Igbit ri!’

YOSUA 11:9

Yosua bibon yok bit leu tuhan nicuk noti nipou su. Ba, ikos kuda di ide nya imig nggiluk leu lene indig kroba pran di ide nya cem.

NIJAM NIKEI NYA 5:21

Minyei Kisyon su nindig bibor bikot nyende siceu nya yahagom bimai bingwig. Sinnei e, kei mem sibrim singkek ba, simbut sindem.