NITRITI 49:4 - ALLAH NIHYET MEM TUNGWATU NYA

⁴ Anok minyei di ugwa-kwei apino anyeng jei dor njiriek nindigsi nya bi. Acut tut ditnem ndrim ba, abimangkrei ditde nghim nsi tu.

NITRITI 49:4 ပူးပေါင်းရင်းမြစ်များ

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

NITRITI 46:8

Yo di intun Yakub him di ibit noni ug ei minu Mesir inyeng rino Ruben di mighumbou.

NIBOHON MBEN ISRAEL GI NIGOM 5:1

Yakub nipmot mighumbou rino Ruben. Noro Ruben yem njita tut nicig nitnem ndrim hi. Apino Yakub bindei timek nisindemti nok mighumbou leu noni biyai bak Yusuf. Mbro nok gima lo, keret Yusuf rino sindem bibor dor njiriek Yakub de nintun him di bram yam nindigsi nya bi.

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!

NINDAT KEP TUHAN NICUKTI NYA 27:20

‘Ma tuhan sigion no di yem njita tut sop di nok nicig nitnem ndrim lewo ba niyai munti dima binim kep nicigya.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 33:6

Lene Musa pai sut keret Ruben bipai, “Mbro nok gino keret Ruben imang bibor bi lo, yo di intun yok him mimai bingwig bi sren.”

NINDAT KEP TUHAN NICUKTI NYA 5:21

Harin dima jingon pri kep mun nyeng hi di jisut nyeng tut a. Nok nide ig di bong niti kin nide dihyei kin nitnem kin awak nide nya kin nide mindhe-ndhe nihyen kep nya kin nide keledai nya cem hagom.’

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

PETRUS GI NICAN 3:16

Paulus pas kep tut mun dini yok ei nide srat nyati. Ba, mun nyeng gom-gom di jo ei nide srat nyati wer nggruk bibor apino yo di ingon mbum nya kin yo di ingon nddong bi nya ikiek-kiek nyen nihyet bit leu ingon kanti. Dinga leu tut gini bi. Lewo yo dima ikiek-kiek nyen Allah nihyet nindigsi nya cem bit leu ingon kanti. Igyai munti dima mibindei sar yok.