NITRITI 49:33 - ALLAH NIHYET MEM TUNGWATU NYA

³³ Tirigi Yakub pingok nipmot bat nya ingonti tu lene noni bong nibongti hanyen leu api ninnei kimbas bimai.

NITRITI 49:33 ပူးပေါင်းရင်းမြစ်များ

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 25:17

Ismael de njap ug ei ari bingwam sratus gom ningot ningai ba, muhwindacan ug api noni mai.

NITRITI 25:8

Niyati nddong leu api ninnei kimbas ba, noni ug bong bit nidigup bat-nidigai bat nya.

NITRITI 35:29

Ninghim koi bibor leu api nide njap ngwig hon ei sirima. Lene nipmot bat cin Esau kin Yakub itig.

NITRITI 49:1

Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

NITRITI 49:29

Lene Yakub cuk nipmot bat nya bipai “Jei bi lene dinnei kimbas ba, duug ba, dikum dide bat nimai nya ug ri. Ma jitig dingut bit dicig bat nya ingut ei hak mihyeti di Efron di mben Het nide nipou su pima.

NITRITI 49:32

Abraham pek dihyei hanjop nsi bitut hak mihyeti dima leu mben Het.”

NITRITI 50:1

Lene Yusuf nggriou nicig ningut bimei ningyoi leu api pim biniyai nggwei kibor.

NIBOU NDIG NYA GI NICAN 13:14

Mpe dima lene ninggwen di buhun hwen Elisa ba, ningon tai-tai bou lene Yoas di nok Nibou Ndig mem mben Israel kwei cem kep noni. Nibou ndig pim ba, niyai nggwei kibor bipai bak Elisa “Arig e, Arig e, aba ade nisindemti nyohou nye di mben Israel ninno tu!”

NIBOU NDIG NYA GI NICAN 13:20

Jei bi lene Elisa niyaijo ngwig hon leu api itig. Ei nijam dima mben Moab di ibong bigbehei ingkwei-ngkwei nyen kep mben Israel bihwen yok bikwop ari bingwam hagom.

AYUB 14:10

Noro gino tungwatu mai su lene mai bihigom. Noni kes dihyeisi dini ei lene ug ei siritou bu i?

AYUB 30:23

Dikan tut bipia akri da ug ei minu nimai ide. Gima ne mpia di mporo yo di yahagom midem yam eisi ri.

AYUB 5:26

Mporo ade njap ug ei ari bingwam mang bibor ba, awer andig-ndau ba, gima noyam kin gandum di len di ikos nintam bi bibou tto bou dem ug e.

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

LUKAS 2:29

“Tuhan e, tto bou dem tu. Bit leu nok apreu ei mem da nipou su. Nna ba asindui sut Ade awak di dani bidimai hak ug lewo dingon jo nyahan tu.

KISAH 7:15

Gima rino Yakub nya yuug ei Mesir leu api noni kin nyeni ide pung di intun him nya ide njap ngwig hon ei minu dima.

IBRANI 11:22

Niba ningon comti bindei ba, son dideu Yusuf niyaijo ningwig honti lene noni tri tut mben Israel dima ingwes ngun leu minu Mesir ei nidipti bu. Noni pingok nide bat nya ingonti tut nisinati mem gima inyohou ningut tirigi noni mai.

IBRANI 12:23

Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.