NITRITI 49:3 - ALLAH NIHYET MEM TUNGWATU NYA

³ Na di Ruben di mighumbou e, nani ne ditde nisindemti cem ningat gi nigom di ntun ditde nisindemti him ri. Nani angut kei bibor kei ba, asindem bibor cem bidor njiriek dipmot bat nindigsi nya yahagom.

NITRITI 49:3 ပူးပေါင်းရင်းမြစ်များ

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

NITRITI 35:23

Lea yai nipmot mighumbou Ruben kin Simeon kin Lewi kin Yehuda kin Isakhar kin Zebulon yoni bak Yakub.

NITRITI 46:8

Yo di intun Yakub him di ibit noni ug ei minu Mesir inyeng rino Ruben di mighumbou.

NITRITI 48:18

Bisrep tut nicig bipai “Andigpoi e, nok bi. No dini ne mighumbou rin ba, akes anda com bijo ei nonti nibou nggram him.”

NIBOHON MBEN ISRAEL GI NIGOM 2:1

Yakub yai nipmot bat nya ibou simnaibrimigcan di inyeng rino Ruben kin Simeon kin Lewi kin Yehuda kin Isakhar kin Zebulon, kin Dan kin Yusuf kin Benyamin kin Naftali kin Gad kin Asyer.

NIBOHON MBEN ISRAEL GI NIGOM 5:1

Yakub nipmot mighumbou rino Ruben. Noro Ruben yem njita tut nicig nitnem ndrim hi. Apino Yakub bindei timek nisindemti nok mighumbou leu noni biyai bak Yusuf. Mbro nok gima lo, keret Yusuf rino sindem bibor dor njiriek Yakub de nintun him di bram yam nindigsi nya bi.

NIBOHON MBEN ISRAEL GI NIGOM 5:3

Yakub nipmot mighumbou Ruben yai nipmot bat nya ibou bitai ba, inyeng rino Henokh kin Palu kin Hezron kin Karmi.

MAZMUR 105:36

Noni bindei ba, munggwom pinai mighumbou ei mben Mesir ide ig bei nsi nya yahagom imai.

MAZMUR 78:51

Noni yai nimai bak munggwom pinai mighumbou nya bidem mben Mesir ide ig bei nsi nya hagom.

YEHEZKIEL 48:6

Hanjop dip di pek kin Efraim de hanjop nsi ei nite bei mpia nipriti kikau ug bipek kin hanjop dip ei nite bei mpia nicutti ne Ruben de dihyei ninda rom ri.

MBEN ISRAEL IMBUT-MBUT NYEN 1:20

Pinai nya di ide njap ug ei ari bingwam nyatungwagom bikui di ikon pran kan nya lene ipas kep inyeng ba, ibibit leu ide nimpung nya gom-gom sindam. Ikinyon ei Yakub nipmot mighumbouti kikau ba, ikwop imangti nok gini. Keret Ruben imangti ibou sribu ningot bitai muhwindagom ba, sratus muhwi. Keret Simeon imangti ibou sribu ningot muhwi muhwindatai ba, sratus ningai. Keret Gad imangti ibou sribu ningot bitai muhwi ba, sratus muhwindagom ningot muhwi. Keret Yehuda imangti ibou sribu ningot muhwindacan bitai ba, sratus muhwindagom. Keret Isakhar imangti ibou sribu ningot muhwi bitai ba, sratus bitai. Keret Zebulon imangti ibou sribu ningot muhwi muhwindacan ba, sratus bitai. Keret Efraim imangti ibou sribu ningot bitai ba, sratus muhwi. Keret Manasye imangti ibou sribu ningot ningai can sratus can. Keret Benyamin imangti ibou sribu ningot ningai muhwi ba, sratus bitai. Keret Dan imangti ibou sribu ningot muhwindagom can ba, sratus muhwindacan. Keret Asyer imangti ibou sribu ningot bitai gom ba, sratus muhwi. Keret Naftali imangti ibou sribu ningot muhwi ningai ba, sratus bitai. Hagom sok yam imangti ibou sribu sratus muhwindagom ningai ba, sratus muhwi ningot muhwi.

MBEN ISRAEL IMBUT-MBUT NYEN 26:5

Yo di intun keret Ruben po Yakub nipmot mighumbou pima him inyeng rino Henokh nide bat nya kin Palu nide bat nya,

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”

NINDAT KEP TUHAN NICUKTI NYA 27:13

Lene ma keret Ruben kin Gad kin Asyer kin Zebulon kin Dan kin Naftali ikui ug ei Nungug Ebal tirigi nihyet nisigionti tibim kwei.

NINDAT KEP TUHAN NICUKTI NYA 33:6

Lene Musa pai sut keret Ruben bipai, “Mbro nok gino keret Ruben imang bibor bi lo, yo di intun yok him mimai bingwig bi sren.”

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.