NITRITI 49:11 - ALLAH NIHYET MEM TUNGWATU NYA

¹¹ Noni ba nide keledai nehen pap mibikim ba anggur ninjem di kei-kau. Noni mitot nide sinsun ei ba anggur ngei di nggrom-nggrauti.

NITRITI 49:11 ပူးပေါင်းရင်းမြစ်များ

NITRITI 49:12

Niyai nggrom leu gi dut ba anggur ngei ba, nikwai tiei-tiau leu gi dut sapi do ngei.

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

NIBOU NDIG NYA GI NICAN 18:32

Lene nok gima kikau bibou dibuwak je ug ei ditimieisi di noyam kin jitimieisi dini. Ei sirima lene ba anggur yai ningat mem tungwatu nya ipot bidut ningei lene miai gandum yai ningat mem tungwatu nya ibikang roti. Biei zaitun ningat kin ningei kin ahwei lon ningei cem mpung kei ei minu dima. Gino jibit dihyet lene mijitug ndei nimai bi noro jiyaisi mijo. Ma jingig jitingou mem Hizkia nihyet bu au! Lewo noni ris bije tirigi noni pai tuhan miteu je bijingwes ngun.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

AMOS 9:13

tuhan pai “Ei nidipti bu ne nijam di biang ninnum keisi mibindei ba, gandum ngat ningat didiyam. Nipou tirigi ikos gandum nintam di len bigyo ne nikioi mikieng hanyen eisi. Nipou tirigi ikimut ba anggur ngat ei mun di ibikimut ningat eisi bingwig bigyo lene hiter mibiang ningat hi kin bu kwei lene nok gima bijo ninno bijo kikau. Ba anggur ngei mitinnim kwei leu nungug him nya bibiam kwei leu nungug tou nya cem.

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

NINDAT KEP TUHAN NICUKTI NYA 32:14

Yoni idut sapi kin kambir do ngei nindig bibor ba, ide domba kin kambir kin sapi nya hagom pap-nap kei. Ide gandum kin ba anggur ningei hagom kei bibor kei.

NINDAT KEP TUHAN NICUKTI NYA 8:7

Noni mibuwak je ug ei minu di nnum bibor di bon minyei nggram nya kin minyei bousi nya kin minyei di jo dihyei jo bibiam sindem bidem mbang briep nya kin nungug tou nya hagom cem.

NINDAT KEP TUHAN NICUKTI NYA 8:8

Minu dima bon miai gandum barli kin ba anggur ningat kin biei ara ningat kin biei delima ningat kin biei zaitun ningat kin ahwei lon ningei.

NINGAT-HI-NGAT NYA 14:20

Bak di ikimut ba anggur ngat eisi dima jo ei minu ndig dima nisai. Ba anggur ngei dima dem kep nggrom bibiam sindem bibor kikau ug ei minu ting bibor bidem kilometer sratus ningai lene nijutti dem meter gom biniken.

NINGAT-HI-NGAT NYA 19:18

Jikwei puk nibou ndig nya kin nibou pran nya kin tentara nya kin kuda nya kin yo di ibri bigwam ei kuda dip nya kin tungwatu yahagom bitut awak nya kin yo di igyati kwes nya kin yo di inyeng jei nya kin yo di inyeng bi nya yahagom inghuigya.”

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

NINGAT-HI-NGAT NYA 7:7

kin ibou sribu simnaibrimigcan di intun keret Simeon him kin ibou sribu simnaibrimigcan di intun keret Lewi him kin ibou sribu simnaibrimigcan di intun keret Isakhar him,