NITRITI 49:10 - ALLAH NIHYET MEM TUNGWATU NYA

¹⁰ Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

NITRITI 49:10 ပူးပေါင်းရင်းမြစ်များ

MBEN ISRAEL IMBUT-MBUT NYEN 24:17

Tirigi dingat mun di jo ei nidipti bu lene dingat mben Israel. Nibou ndig mintun timiei mben Israel him rin ba, Noni mittau kwei dem kep nok ham mpia-bbed him di piga kei ri. Leu api noni mitam mben Moab ba, mihwen mben Set nya yahagom bingwig.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

MAZMUR 60:7

Aba Ade nisindemti biteu nye biningwes ngun ba, abuhup nyende nadi cem leu binhyepo yo di angon ngakei yok nya ingwes ngun.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

IBRANI 7:14

Tungwatu nya yahagom ikan tut bipia ide Tuhan ntun keret Yehuda him. Lo, no di nggre kin keret Yehuda hi yai midyai nok imam bi sren.

ZAKHARIA 10:11

Tirigi isigon mun di nggruk tereu nok isigon muk ndigsi ne Da di tuhan midibui muk ngwa dip di roi leu api Minyei Pmem Nil pingge ug ei nijou bai bingak cai hak. Midicut mben Asyur di ingon jei nya inyeng bicut lene mben Mesir di mimbri kui ingkek nya ide nisindemti misar yon hak.

YEHEZKIEL 21:27

Midibindei timek minu ndig dini bibor. Apino miwer ig kum kroi tirima-tirima. Noro mun dima micut igkep yok bi bibou no di dimbus ei mem gima dibikes hukum ei minu ndig dini dip tau kwei ug e.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

YOHANES 12:32

Tut Dani ne tirigi tungwatu nya ikon Da ei nnai leu dihyei ninjek dip ne midinduk tungwatu nya yahagom kwei ndam Da.”

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YOHANES 19:15

Yo dima iba ighyet di ten bibuhup “Akos Noni hak ug o! Akos Noni hak ug o! Apek Noni kin biei salib o!” Pilatus hig ser yok “Jijoi sut gima dipek jide Nibou Ndig kin biei salib e?” Imam nindig nya ibuhup “Kaisar nongkom he rinok nibou ndig di ninyeng tak kep nye o!”

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

YESAYA 62:11

tuhan sok nihyet dini bak tungwatu bidem dihyei nisurti-nipekti bipai “Ma jipai bak timiei Sion nya ‘Jingat i! tuhan Niteu Ningwes Ngun Cig tau su! Yo di Noni kwek yok tu nya injei bit Noni.’ ”

YESAYA 60:1

Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

MAZMUR 108:8

Allah nihyet tibim kwei leu nigwamti di kwes-kwau bipai “Dimbos-hi-mbos ba, dikwas minu ndig Sikhem kukiau. Midiko bidibinggok tut gima dikwas Mbang Briep Sukot kukiau cem.

MBEN ISRAEL IMBUT-MBUT NYEN 21:18

Pinjoi ndig nya itig minyei bousi. Nibou nya iba ide tom ngkimom nitu di bindo tut ide nisindemti bitig minyei bousi nya.” Lene ijo leu iggum ndigsi dima biyuug ei Matana.

MATIUS 25:32

Leu api tungwatu dihyeisi dini yahagom midem yam bigya ei nimig him. Lene Noni mikwas yok ei nimpung can bit leu nok gembala di kwas domba nya bigya ter leu kambir nya.

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

HAGAI 2:7

Midibindei ba, ngkiai nya yahagom ide minu ugwa-kwei leu api ittei ndigban di ide nya hagom kwei ei minu ndig dini leu binhyepo Ditde Ig mpung tut ide mun di inyeng tut nya hagom.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

YEHEZKIEL 19:14

Hum di dwim mpiati su nidwep bicig ninjem kin ninda kin ningat bikinei. Tini bu ne ninda sindem ba, dem mem gima igyai binok tom ninyeng tak kepti mem nibou ndig bu bi sren. Gima ne doia nibwos-bwos nyenti di limwa nya ikon nyen kikau ri.”

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

YOHANES 19:12

Tirigi Pilatus miap Yesus nihyet nok rino noni nggok puig mem gima kes Yesus ba, ningwes ngun. Noro mben Yahudi iba ighyet di ten bibor bipai “Gino akes Noni lene aham ambuk kep Kaisar! No di tri tut bipia noni ne nibou ndig rin dima ham nimbuk kep Kaisar!”

YOHANES 18:31

Pilatus pai biyok “Nnaba jibuwak Noni ug bijimbus ningonti bit leu nok Puig Yahudi nicuk jeti!” Noro mben Yahudi dima ibuhup “Hi sindui sut binikes hukum nimai ei tungwatu nya dip bi.” (

YEHEZKIEL 19:11

Ninda di tug ninjem sindem ba, krop mem gima idahat bi. Ba, ninjem dem mem gima irop binok tom ninyeng tak kepti mem nibou ndig. Ninggrupti jo anai bibor ug bipek kin bumbuhui nijunti. Tungwatu nya yahagom inggap leu sut noni lewo jo anai bibor ba, nimeng nggrou cem.

YOHANES 9:7

bicuk noni “Aug ba, apiap ayai ei Ugyou Siloamti.” (Gi ikiek ninyeng Siloam ne noyam kin ‘Pinak Tu’.) Gima rino no dima ug bipiap niimaisi leu api ngkwei hanyen kin niyai di da tu.

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

MBEN ISRAEL IMBUT-MBUT NYEN 24:19

No di sindem bibor mintun Yakub him leu api Noni mihwen Nide siceu nya bingwig hak ug.”

SAMUEL GI NICAN 7:13

Noni rima mingot ig gom mem Da. Lene midibindei ba, yo di intun noni him minok nibou ndig nya bigya luei nohoti bram yam bijo ninno bijo kikau.

SAMUEL GI NICAN 7:16

Mporo ma anok pung mem nintun him di bram yamti imang bibor ba, anyeng di tak kep ade limwa nya sindem bibor cem bijo ninno bijo kikau. Ade nintun him di bram yam minok nibou ndig nya biya luei ahoti bram yam bijo ninno bijo kikau.”

NIBOHON MBEN ISRAEL GI NIGOM 12:39

Tentara dima yok ibong bit Daud ei Hebron mem njap ningai ba, igyem pesta di mben Israel nindigsi nya itin ei mem yok tu. Nok igyem njita ba, ibidut ndia ngei cem.

MAZMUR 60:9

Dinyeng tut hanjop Gilead kin Manasye ba, Efraim ne Ditde topi yeng ngkuong ri. Yehuda ne Ditde tom di ndo tut dinyeng tak kep limwa nyati ri.

MAZMUR 78:68

Noro dimig keret Yehuda kin Mbigdip Sion di ningon ngakei.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YEHEZKIEL 21:32

Hum miyem je bijingwig. Jinggrom misiber ei jitimieisi hanyen. Hi di miyok ngon kep je bu bi sren. Da di tuhan disimbot dat tu.’ ”

MIKHA 5:1

tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”