NITRITI 49:1 - ALLAH NIHYET MEM TUNGWATU NYA

¹ Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

NITRITI 49:1 ပူးပေါင်းရင်းမြစ်များ

MAZMUR 105:15

“Ma jihwen bit Ditde awak di dimig ei su nya ba, jimbuk tut Ditde nabi nya cem au.”

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 22:14

tuhan Di Ninyeng Jei Bibor di Sindem Bibor cem ndo Nonti bida bipai ‘Ningat ne midikos ser ide niyai munti di kinei bibor dima bi sren. Ba, nok gima kikau ug bipek njap di ibimai kep. Da di tuhan disimbot dat tu.’ ”

YESAYA 39:6

Tto bou midem leu api yo dima mipian mun nyeng hagom di anyeng tut ei ig nibou ndig dini kin gi hi di adigup bat-adigai bat nya inju keyam ei su habiei leu nipou yo kikau kwei bipek njap di ammani kep ba, ipos hagom biyuug sut ei minu Babel. Ndigban dima yok hi di mijo bi.

YESAYA 48:14

Ma jahagom jidem yam ei ba, jimiap! Bit bon kwar di tungwatu nya ikuk yok bak nya hi ndo igbit no di didimig ei mem gima njei bihwen minu Babel bi sren. Noni miyai igbit dingon kanti.

YESAYA 53:1

Tungwatu nya ibuhup “Tou riba ningon com mun di tibim ei nyeni itingou nsi i? Tou riningon dor niti tut tuhan ningon kanti tug hon mun di timon nye dini i?

YEREMIA 23:20

Nigga biborti dima mingwig hon nohonti bi bibou Noni yai hagom bit leu ningon kanti bidem ug e. Mun dini yok mijo nibreisi mem Nide limwa nya ei nidipti bu.”

DANIEL 10:1

Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

MBEN ISRAEL IMBUT-MBUT NYEN 24:14

Lene Bileam pai bak Balak “Nogindini dingkwei hanyen ug ei ditimieisi ug ri. Noro tirigi dimbut bigyo lene midipai nisinati bina tut notou mben Israel mibibon nani kin ade limwa nya ei nidipti bu ug e.”

LUKAS 2:26

bimbot kep tut binoni nipou su bipia noni mimai bi bibou ngat Nibou Ndig di teu tungwatu nya biyai niyaijo nijep biyok di Allah preu ei mem yok bou niyai him nipou ug e.

KISAH 2:17

Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.

NINDAT KEP TUHAN NICUKTI NYA 31:12

Ma jinduk pinai nya kin sop nya kin munggwom nya kin ngkiai di ibong srig jikieti yahagom kwei leu binhyepo ingig itingou mem nihyet cem iba ingon di jo nyahan bikuk yok bak tuhan di nok ide Allah ba, iba ingon gom bibit nihyet.

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

TIMOTIUS GI NIGOM 4:1

Allah Ninnei ndo brei binye bipia ei nidipti bu tungwatu nya mikes ide niba ningon com Kristusti ei leu api iba ibou coi mem ninnei di kinei di ibindei srawir yok kin ninnei rom ide ningginausi.

2 TIMOTIUS GI NICAN 3:1

Ma ayok ngon kep bipia son dideu njap ningwig honti nya lene mun di buhun bibor micut igkep tungwatu nya.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 13:1

Ma jingon ngakei yam kikau bit leu nok yo di Kresten di ikinjoi bat yam.

NINGAT-HI-NGAT NYA 4:1

Gima ngwig leu lene dingat ningat-hi-ngat hi kin bu tut dimbou di kau ei gwamti. Leu api nihyet di tibim nok pun mbrei di mbrap bit da nipou jem da “Akui kwei ei sirini leu api dindo mun di pek kep ei nidipti bu bina.”