NITRITI 48:21 - ALLAH NIHYET MEM TUNGWATU NYA

²¹ Lene Yakub pai bak Yusuf “Jo nibreisi bipia son dideu diyaijo ningwig honti tu. Noro Allah minyohou jahagom leu api buwak jahagom hanyen ug ei jidigup bat-jidigai bat nya itimieisi.

NITRITI 48:21 ပူးပေါင်းရင်းမြစ်များ

NITRITI 12:5

Noni buwak nitnem Sarai kin nikinjoi nipmot Lot bitut nide ndigban kin awak nya di noni nyeng tut ei minu Haran ba, hei sut yok biyuug ei minu Kanaan. Niabiati yahagom yuug krau minu Kanaan tu lene,

NITRITI 15:14

Noro midikes hukum ei ngkiai dima yok dip drek dip gi ico kep yo di intun nani him binok awak nya. Mpe dino yo di intun nani him imbut leu ingkiaisi lene yoni mittei ndigban nindig bibor bikwei sut.

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 37:1

Mpe dima lene Yakub tot mpia hak ei nicig nitimieisi ei minu Kanaan.

NITRITI 46:4

Midingat rin bit na bidinyohou na kikau ug ei minu Mesir. Ei nidipti bu ne midibuwak ade nintun him yamti di bram yam nya hanyen kwei ei itimieisi dini. Yusuf migwam bit na binam ninda bidwip ayai mpau tirigi annei kimbas a.”

NITRITI 47:29

Son dideu nide njap ningwig honti lene noni sok nihyet mem nipmot Yusuf kwei lene pai binoni “Ma asu anda ei diko kieti gi bindo bipia tirigi dimai leu su lene ma atig dingut ei minu Mesir au.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NITRITI 50:6

Lene Firaun ce bipai “Aug hak ug ba, atig acig ningut bit leu nok apreu ei mem noni tu.”

MAZMUR 18:46

Mimbri di kui ingkek cut leu yok leu api iba idigit-digoi behei leu ide tentara nibousi di igya coi nya.

LUKAS 2:29

“Tuhan e, tto bou dem tu. Bit leu nok apreu ei mem da nipou su. Nna ba asindui sut Ade awak di dani bidimai hak ug lewo dingon jo nyahan tu.

KISAH 13:36

Daud yai kep nide midyai bit leu Allah ningon kanti mem noni bingwig leu api noni cem mai. Itig ningut noyam kin itig nidigup bat-nidigai bat nya ingut apino ningut kroi ei jui nsi bihigom.

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

2 TIMOTIUS GI NICAN 4:6

Tut dani ne tto bou dem mem gima diyai nimai dem kep nok mindhe di ibui bibam ei nimbar hum dokti tu ba, ngon bou dem mem gima dikes dihyeisi dini ei biduug leu tu.

IBRANI 7:3

Hi kan tut no dini nicig kin nipmem kin nide pung di ntun him nya bi ba, nikwei leusi kin nimaisi jo daptarti di ipas kep tu nya cem bi. Noni yai ninyeng nok imam kikau noyam kin Allah Nipmot.

IBRANI 7:8

Imam di intun Lewi him ne yo di igyaijo kikau bi noro imbus mben Yahudi imati gom leu ningot gom lene nok leu yok. Noro bit leu nok gi ipas ei Allah nihyetti Melkisedek di mai bi ma gom leu ningot gom lene nok leu Abraham.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 23:14

Son dideu ditde njap ningwig honti tu bidimai ug ri. Jo nibreisi mem jahagom tu bipia jide tuhan Allah njei mun nyeng di kei di Noni preu sut ei mem je hagom bak jeni tu. Ba, jikan tut gima mungkun kei. tuhan yai mun bipek kep Nide nipreu eisi nya hagom mem je tu. Hi cut hacan bi sren.

YOSUA 3:7

Lene tuhan pai bak Yosua “Midibon mindur mem njap di ammani di mibindei anyeng di jei ba, mben Israel sindi minggei sut na tirigi jo nibreisi mem yok bipia dingat rin bit na dem kep nok gi dingat rin bit Musa nipou su.

PETRUS GI NICAN 1:14

Dikan tut bipia jei bi ne diyaijo ngwig hon lewo ide Tuhan Yesus Kristus pai gini brei bida tu.