NITRITI 48:15 - ALLAH NIHYET MEM TUNGWATU NYA

¹⁵ Lene noni ngat nadi tindei Yusuf bipai, “Nna ba Na di Allah di dicig kin dignyon ikuk yok bak e, Na di anyohou da habiei kwei bipek ammani kep tu e,

NITRITI 48:15 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 24:20

Jei bi lene noni siber minyei niken leu dibijig ug ei bak di mindhe-ndhe nya idut kep minyei eisi leu api dor ug ei minyei bousi bitau minyei didiyam bu mem unta nya hagom bibou idut bindei yok ug e.

NITRITI 24:40

Lene noni buhup bida bipia tuhan di noni bit nihyet habiei kwei bipek ammani kep micuk Nide malaikati hi kin da leu binhyepo diyai hagom bit leu ningon kanti. Mporo midibuwak sop gom leu nide bat nya ikieti mem nipmot nok nitnem.

NITRITI 27:27

Lene Yakub nitta tti ndam nicig bimei leu api nicig tinip Esau de sinsun ninghap lene sindi njei mun di kei bak Yakub bipai “Dipmot ninghap dem kep sus di Allah njei mun di kei eisi.

NITRITI 27:4

Lene ma abam mikwau di ninghap ngge kei nok gi dani dijoi sutti bida leu binhyepo diyem kep dikimam. Tirigi diyem bingwig lene midikes dinda ei na dip bidinjei mun di kei nya hagom bina di munggwom mighumbou nipou tirigi dimai bigyo.”

NITRITI 28:20

Lene noni heng bipai “Gino na di tuhan anyohou da ba, aya ser da kak dimbutti dini ba, ayai njita kin sinsun hi bida,

NITRITI 28:22

Lene midikwas gom leu ningot gom lene gom leu ningot gom bikwop mun nyeng hagom di dinyeng tut nya leu Na di tuhan hanyen biNa. Tig nibiyok ngon kep dini minok gumihyep mem tungwatu nya ibikuk yok bak tuhan eisi.”

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

NITRITI 48:16

Nani ne malaikati di teu da bidingwes ngun leu mun di cut igkep da hagom e, ma anyohou munggwom cin dini yok bu! Nna ba ingon prion ser dinyeng kin Abraham Ishak nya cem inyeng bi sren. Nna ba igyai imunggwom bat nya imang bibor ba, ide nintun him yamti di bram yam nya idigek kep mpia.”

NITRITI 49:22

Yusuf ne keledai nehen pap kin keledai di ipijuk kan bi cem ri. Noni bong simiak minyei bousi bidor-dor nyen kui nungug.

NITRITI 49:24

nide hampiap no nddong kei ba, ninda pang sindem bibor cem tug hon Gembala Di Sindem Bibor kin Yakub de Allah kin mben Israel ide Tring Behei ide nisindemti.

NITRITI 49:28

Yo dini ne pung di mben Israel ide keret simnaibrimigcan intun him ri. Icig tri tut nihyet dini mpe di po noni pigo bibikwop tungwagom-gom bihigom pima.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOHON MBEN ISRAEL GI NIGOM 5:1

Yakub nipmot mighumbou rino Ruben. Noro Ruben yem njita tut nicig nitnem ndrim hi. Apino Yakub bindei timek nisindemti nok mighumbou leu noni biyai bak Yusuf. Mbro nok gima lo, keret Yusuf rino sindem bibor dor njiriek Yakub de nintun him di bram yam nindigsi nya bi.

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

MAZMUR 23:1

Doia Daud. tuhan ne ditde gembala ninyohou kep mun cig ri. Disuar mun nyeng hi kin bu bi.

MAZMUR 37:3

Ma jiba jingon com tuhan cem jinda jo kep jide midyai di kei nya cem. Ma jibong ei minu dima ba, jiba jingon di gom biyai mun nyeng hagom.

NEHEI LEUSI 3:16

Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

NIBA NINGON SRIP HUKTI 5:12

Dingat mun di pek kep mem tungwatu dihyeisi dini di buhun bibor. Tungwatu nya inju mitiei keyam mem nijam di imati dem bi.

NIBA NINGON SRIP HUKTI 5:18

Gino Allah yai mitiei kin ndigban binye bisindui sut ba, ingat ingwes ei mun di inyeng tut dima lene suar ipai sigyo biNoni ba, ingon kei sut ningat di igyai leu ide midyai di igyai nya hagom. Gima cem mun di Allah njei bak nye ri.

NIBA NINGON SRIP HUKTI 6:7

Nyeni igyai midyai leu binhyepo itug ndei igyemti he. Noro ingon gicut hon mun di igyem dima bi sren.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 33:16

Tug hon nisinati dima lene mijingwes ngun leu api jingon jo nyahan noyam kin yo di igwam coi tentara nibousi di sindem bibor. Njita kin ndia ngei minok gi dem mem je.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

NINDAT KEP TUHAN NICUKTI NYA 33:1

Nipou tirigi noni mai bigyo lene Musa di Allah pinak bak mben Israel ngat nadi tindei mun di kei mem yoni bipai,

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

TESALONIKA GI NIGOM 2:12

Nibiwin kep jingonti ba, nigwam ser jingonti binibidip huk je leu binhyepo jide niyaijoti bindei ba, Allah joi sut je. Lewo Noni hig je leu binhyepo jinggre kin Ninyeng Tak Kepti kin Nide nikei-kau-keisi cem.

IBRANI 11:21

Niba ningon comti bindei ba, Yakub ngat nadi tindei mun di kei mem Yusuf nipmot bat cin nipou tirigi noni mai bigyo. Noni ba tom bitom no lene kuk no binggei sut Allah.