NITRITI 47:7 - ALLAH NIHYET MEM TUNGWATU NYA

⁷ Lene Yusuf buwak nicig Yakub kwei bikes no biya ei Firaun noho bei. Lene Yakub ngat nadi mem noni.

NITRITI 47:7 ပူးပေါင်းရင်းမြစ်များ

NITRITI 14:19

Lene noni njei mun di kei bak Abram bipai bak “Nna ba Allah Di Ninyeng Jei Bibor di pai tes mpia-bbed him kin dihyeisi dini njei mun di kei bak Abram!

NITRITI 35:27

Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)

NITRITI 47:10

Lene Yakub ngat nadi mem Firaun mbigom kin bu ba, om no leu noho bei.

NITRITI 47:8

Leu api Firaun hig ser noni “Ade njap ug ei ari bingwam pig su i?”

SAMUEL GI NICAN 14:22

Lene Yoab kuk no biba ningwak bikik dihyei ei Daud nimig him bibinggei sut noni lene buhup “Andigpoi e, handei kon ba, Allah minjei mun di kei bak na di Nibou Ndig. Nogindini jo nibreisi mem da bipia angon kwes kin da lewo abuhup bida bit leu nok ditde nihig na tutti.”

SAMUEL GI NICAN 19:39

Lene Daud kin nide limwa nya yahagom isigon Minyei Yordan. Tirigi yuug dihip ei nite hi bu lene Daud mei Barzilai ningyoi bingat nadi tindei mun di kei mem noni. Lene Barzilai ngkwei hanyen ug ei nitimieisi.

SAMUEL GI NICAN 8:10

Apino noni sok nipigo Nibou Ndig Daudti ei nipmot Yoram dip ba, Yoram bikrau Daud ninda tut gi po bindei timek nide siceu nya pima. Gima hagom nok lewo Hadadezer kon kep pran bit nibou ndig Tou bijo ninno tu. Gima rino Yoram ttei ndigban mas kin perak kin ngkimom-tembaga binjei bak Nibou Ndig Daud.

NIBOU NDIG NYA GI NIGOM 1:47

Gima he bi lewo yo di igya kui Nibou Ndig Daud induk yam ei Andigpoi dima noho bei bipigo noni bipai ‘Nnaba ade Allah bindei ba, Salomo ninyeng jei dor njiriek na di Andigpoi anyeng di jei. Nnaba Salomo de ninyeng tak kepti mbut sindem bibor dor njiriek na di Andigpoi anyeng di tak kep ade limwa nyati.’ Lene Nibou Ndig Daud kuk no bak Allah ei nibongti,

NIBOU NDIG NYA GI NIGOM 8:66

Hon kep njap gi nimuhwindaningai lene Salomo kes yahagom ba, ingkwei hanyen. Yahagom inggei sut noni lene iba ingon di llei sut mun di kei di tuhan yai bak Nide awak di Daud kin nide limwa di mben Israel yahagom bingkwei hanyen ug ei itimieisi.

NIBOU NDIG NYA GI NICAN 4:29

Elisa kiek no bitou kep Gehazi lene cuk noni “Abipbur ba, ayai ditde tom ba, ambut tut ug ei sop dini nide igya! Gino aum tungwatu nya kak puig sinon lene ma apigo yok ba, abuhup ide nipigo nati au. Tirigi aug krau ig bei lene ma asu ditde tom dima nai gau nipmot.”

NEHEI LEUSI 12:32

Jijem jide sapi nya kin domba nya kin kambir nya hagom bijimbut tut bihigom! Lene jingat nadi tindei da.”

MATIUS 26:26

Tirigi igyem njita lene Yesus yai roti nindak gom bipai sigyo kep. Leu api ki bitri yo di igya kui Noni bipai biyok “Jiyai roti dini ba, jiyem ug lewo gini ne dinghui ri.”

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

YOSUA 14:13

Lene Yosua ngat nadi tindei mun di kei leu tuhan Allah mem Kaleb di Yefune nipmot leu api kwas minu ndig Hebron tut noni kin yo di intun noni him.

YOSUA 22:6

Leu api Yosua ngat nadi bahara tuhan Allah mem gima Noni njei mun di kei bak yoni. Leu api noni kes yok bingkwei hanyen ug ei ide hanjop di inyeng tak kepti hanyen. Noni bisok kep yok “Nogindini jinyeng bibor ba, jingkwei hanyen tut mindhe-ndhe nihyen kep nya kin perak kin mas kin ngkimom-tembaga kin ngkimom nitu kin sinsun mang bibor. Ma jikwas mun di jipos dima bihi tut yo di imbier kim je nindigsi nya.” Tirigi Yosua kes nihyet hon leu api keret Ruben kin Gad kin Manasye di ibong Minyei Yordan nite dima ug ikes mben Israel nindigsi nya ei ide hanjop nsi. Ikiju bimbut leu Silo ei minu Kanaan leu lene imbut ug ei yonti ide hanjop nsi ei Gilead. tuhan cuk yoni ibong ser hanjop nsi dima bit leu nicukti di tug hon Musa. (Keret Manasye nite hi itug ndei dihyei hanjop nsi leu Musa ei Minyei Yordan nite hi tu. Noro keret Manasye nite hi itug ndei dihyei hanjop nsi leu Yosua ei Minyei Yordan nite bei mpia nicutti bit keret mben Israel nindigsi nya.)

PETRUS GI NIGOM 2:17

Ma jibou cut bak tungwatu nya yahagom. Ma jingon ngakei jisut bat yo di ingon jo kep nya bijittin tut Allah. Ma jibou cut bak nibou ndig Kaisar.

SAMUEL GI NIGOM 2:20

Bikwop mpe dima lene Eli ngat nadi tindei mun di kei mem Elkana kin Hana leu lene pai bak Elkana “Handei kon ba, tuhan mibindei ba, atnem miyai amunggwom bat nya hi kin bu bina biya luei Samuel di jidimig ei mem Noni pima nohoti.” Gima ngwig lene Elkana nya ingkwei hanyen ug ei itimieisi,