NITRITI 47:25 - ALLAH NIHYET MEM TUNGWATU NYA

²⁵ Lene ibuhup “Andigpoi e, anyohou nye biningwes ngun tu ba, nijem sigyo nindig bibor bina. Ninok awak mem Firaun hak ug.”

NITRITI 47:25 ပူးပေါင်းရင်းမြစ်များ

NITRITI 18:3

Lene pai biyok “Andigpoi jen, nna ba jikwei cem kep da ei prak meng behei leu api midimpu je.

NITRITI 32:6

Tirigi yuug ngat Esau leu ba, ingkwei hanyen tu lene ipai bak Yakub “Nuug ngat akindig Esau tu ba, noni sindi hei sut nide limwa nya ibou sratus bitai bikwei um na.”

NITRITI 33:15

Lene Esau pai “Api midikuk ditde limwa nya ibou poi mem na leu binhyepo inyohou cen jeni.” Noro Yakub buhup “Nok ug e. Angon mbut-mbut nyen tut da au. Gino dibindei ba, ajoi sut da lene dem.”

NITRITI 41:45

Lene Firaun ba nihyet mben Mesir bijem Yusuf ninyeng Zafnat-Paaneah bu bindo misop Asnat binoni nok nitnem. Misop dini nicig ninyeng Potifera di yai midyai nok imam ei minu ndig Heliopolis. Lene Yusuf mbut bidem minu Mesir nisurti-nipekti hagom.

NITRITI 47:24

Tirigi ngat ningat tu lene suar jiyai ningat can leu ningot gom ningat can leu ningot gom lene nok bak Firaun. Lene nindigsi nya mijo bije bijibet hi ei nok njita bou lene jiyem kep nindigsi nok njita mem jenti kin jide bat nya jahagom.”

NITRITI 47:26

Gima rino Yusuf pas kep nicukti bingkiem ba, nicukti dima ne suar timiei minu Mesir nya igyai ide njita ningat can leu ningot gom ningat can leu ningot gom lene nok bak Firaun bininyeng tak kep. Lene nicukti dima jo kikau kwei bipek ammani kep. Noro Firaun ninyeng tak kep dihyei hanjop nsi nya di imam nya ide bi.

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

NITRITI 6:19

Suar ajem mindhe-ndhe nikre hi niwek hi ug ei kibar nsi leu binhyepo ingwes ngun bit je.

SRAT RUT 2:13

Lene Rut pai binoni “Andigpoi e, mbro nok gino dibon dinyeng nok ade awak hi rin bi lo, asingat tut da nindig bibor ba, ade nisingat tut dati dima biwin kep dingonti tu.”