NITRITI 46:32 - ALLAH NIHYET MEM TUNGWATU NYA

³² Leu api midipai brei binoni bipia jahagom jihyen kep mindhe-ndhe nya kan ba, jijem jide domba nya kin kambir nya kin sapi nya hagom ba, jipwoi mun di jinyeng tut nya hagom bijikwei sut.

NITRITI 46:32 ပူးပေါင်းရင်းမြစ်များ

NITRITI 31:18

Noni jem nide mindhe-ndhe nya hagom bikes nide ndigban nindig bibor di nyeng tut ei Mesopotamia hagom ei dip bigya bibie leu api yahagom ingkwei hanyen ug ei minu Kanaan leu binhyepo ug ngat nicig Ishak hanyen.

NITRITI 37:2

Ayat dini yok pai sut Yakub nipmot bat nya. Yusuf de njap ug ei ari bingwam simnaimuhwidip brimigtehican ba, noni hyen kep domba nya kin kambir nya bit nikindig bat nya po Yakub nitnem nimien Bilha kin Zilpa igyai binoni pima. Lene Yusuf pui kep nikindig bat nya inghapti bak nicig tut ibon munti di kinei nya.

NITRITI 4:2

Mpe hi bu lene noni gwam tut nimunggwom nipinai hi kin bu bijem ninyeng Habel. Tirigi yo cin dini imahan tu lene Habel hyen kep domba nya lo, Kain yai kep miai.

NITRITI 45:10

Midipek hanjop nsi binoni ei Gosyen leu binhyepo noni kwei bong dideu da. Noni kin nimunggwom bat nya kin nide mindhe-ndhe nya kin nide mun di ninyeng tak kep nya hagom.

NITRITI 46:31

Lene Yusuf pai bak nikindig bat nya kin nikinjoi kin nide bat nindigsi nya yahagom “Suar da duug ngat Firaun ba, midipai binoni bipia dide bat nya po ibong ei minu Kanaan pima yahagom ikwei ngat da tu.

NITRITI 46:33

Gino Firaun sok nihyet mem gima juug ngat noni ba, hig ser je tut jide midyai di jiyai kepti nya lene,

NITRITI 46:34

ma jibuhup bipia jihyen kep mindhe-ndhe nya habiei jimien kikau kwei bipek ammani kep bit leu nok jidigup bat-jidigai bat nya di igyai kep midyai nok gima nipou su. Gima rino noni misindui sut je bijibong ei Gosyen.” Yusuf pingok ingonti nok lewo timiei minu Mesir nya ikou sut gima ijem isut bit yo di ighyen kep domba nya kin kambir nya.

NITRITI 47:3

Lene Firaun hig ser yok “Jiyai kep midyai mindei ngan i?” Lene ibuhup “Nihyen kep mindhe-ndhe nya kan bit leu nok nidigup bat nidigai bat nya igyai kepti.

NITRITI 9:20

Nuh ne no di yai miai kan rin ba, noni rino yai miai ba anggur kioi di nimbie him ngat leu nindigsi nya.

NIBOU NDIG NYA GI NIGOM 9:27

Nibou Ndig Hiram pinak nide timiei di ibit-bit nyen kibar minyei di gwam kep tu nya ba, ibri kibar bit Salomo de timiei kibar nsi nya di igyai midyai nya ei kibar dip dima.

NEHEI LEUSI 3:1

Mpe di gom bu tirigi Musa hyen kep nipmang Yitro di nok imam mem mben Midian pima nide domba nya kin kambir nya lene noni jem yok ug ei iggum ndigsi bikwei krau Nungug Sinai di kwes-kwau.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

ZAKHARIA 13:5

Noro ipai ‘Dani ne nabi rin bi. Dani ne no di yai midyai ei miaisi kikau bimai kep ri.’

SAMUEL GI NIGOM 16:11

Lene noni hig ser Isai “Apo apmot bat nya yahagom rin dini e?” Lene noni buhup “Dipmot nipumiap no rinaha lo, ug hyen domba nya leu su yo.” Lene Samuel pai “Ahig noni kwei. Lewo nyeni ibon midut nindig mindhe kep hum bak Allah bi bibou noni kwei krau ug e.”

SAMUEL GI NIGOM 17:15

noni ngkwei-ngkwei nyen ug ei Betlehem leu binhyepo hyen kep domba di nicig de nya.