NITRITI 44:18 - ALLAH NIHYET MEM TUNGWATU NYA

¹⁸ Lene Yehuda kiju bibrim ningkek kep Yusuf bipai “Andigpoi e, gino ace tut lene midindat kep dingon kanti bina di Andigpoi mbigom. Ma angon sibui sut da au. Dikan tut bipia na di Andigpoi anyeng jei noyam kin nibou ndig mben Mesir.

NITRITI 44:18 ပူးပေါင်းရင်းမြစ်များ

NITRITI 18:30

Lene Abraham pai bu “Gino dahap diji mbigom kin bu lene ma angon sibui sut da au. Gino ibou ningot ningai ingat rin lene notou mem yo i?” Lene tuhan buhup “Dwai. Gino ibou ningot ningai ingat rin lene midicok tut minu ndig dima bi.”

NITRITI 18:32

Lene Abraham pai bu “Mbro nok gino dahap diji mbigom kin bu lo, ma angon sibui sut da au. Gino ibou simnai he ingat rin lene notou mem yo i?” Lene tuhan buhup “Dwai. Gino yo di ingon ngun ibou simnai he ingat rin lene midicok tut minu ndig dima bi.”

NITRITI 37:6

Lewo noni pai biyok “Ma jintu kep mun di dimumpriem dini.

NITRITI 37:7

Nyeni yahagom igyai midyai ei miaisi ba, ike gandum nintam kin yam leu api ditde gandum ningot ndig kiju biya pijum lo, jide nya hagom igya ttai ditde biyom yo bak.”

NITRITI 37:8

Lene nikindig bat nya ibuhup “Akan bipia anok nibou ndig ba, anyeng tak kep nye e?” Gima rino ingon mpo tut noni nindig bibor bu drek dip nide mun di mumpriem kin nipai mingat tutti cem.

NITRITI 41:40

Gima rino dikon nani nok nibou ba, anyeng mitak kep midyai nya ei minu dini hagom. Suar ditde limwa nya yahagom ibit acuk yokti nya hagom. Dangkom dinyeng jei dor njiriek na.

NITRITI 41:44

Ba, Firaun pai binoni “Mbro nok gino danti rino nibou ndig mben Mesir lo, ditri tut bipia gino na di Yusuf ace tut bi lene bit bon timiei minu Mesir nya yahagom igyai mun nyeng hi kan bi.”

NITRITI 44:17

Noro Yusuf srep bipai “E bi! Midiyai igbit apaisi dima bi. No di mok perak de jo kron nideti nongkom minok awak mem da. Je di nindigsi jingwes ngun bijingkwei ndam jicig hanyen hak ug.”

SAMUEL GI NICAN 14:12

Leu api sop dima binut bu bipai bak “Na di Andigpoi di Anyeng Jei e, ma asindui sut da ba, dibinut dihyet mbigom kin bu.” Lene nibou ndig buhup “Abinut ahyet hak ug.”

ESTER 1:12

Noro tirigi ibou muhwindacan di impu kep nibou ndig pijum pima ipai nibou ndig nihyetti bak Sop Nibou Ndig Wasti pima lene noni kou sut gima bit yok apino Ahasyweros gga Wasti bibor.

AYUB 33:31

Gima rino Ayub e, angig atingou mem dihyet ba, agwam nyahan lewo tini bu ne dani rino dimbrap a.

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

NEHEI LEUSI 32:22

Lene Harun buhup “Ma angon sibui sut da au. Akan tut bipia yo dini ita ibou ei nibon sisarti.

NIPINGOK NINGONTI 19:12

Nibou ndig di gga bibor ba nihyet di noyam kin mindhe singa niyausi bibuhup. Noro nisingat tut tungwatu nyati noyam kin ham mbon di llet kwei mem mpia ngeisi.

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

DANIEL 5:19

Ninyeng di jei bibor dima bindei ba, timiei minu nya kin mben nya kin gi imbrap ighyet ter leu yam yahagom ittin noni ba, inghuisi mpig sut. Gino acig kos tut bipia miyai nimai bak tungwagom lene noni yai mun bipek kep ningon kanti dima hak ug. Gino noni kos tut bipia miteu tungwagom leu hukum nimai lene noni yai mun bipek kep ningon kanti dima cem hak ug. Noni kon bihi inyeng cem nim kep bihi cem hagom bit leu ningon kanti.

YOHANES 5:22

Nicig Nonti mbus tungwatu nya ingonti bi noro yai nisindemti hagom bak Nipmot leu binhyepo Nipmot mbus ingonti,

KISAH 2:29

Disut bat jen, gino jice tut lene dipai brei bije tut ide pung di intun him di Nibou Ndig Daud di mai su. Leu api itig ningut srig nimai nya ikieti. Nijui dip jo bit nye kikau kwei bipek ammani kep.