NITRITI 44:16 - ALLAH NIHYET MEM TUNGWATU NYA

¹⁶ Lene Yehuda buhup “Andigpoi e, bit bon nibirop ahyet kan bi. Notou minimbrap gau nyenti binindo bipia ningon sren i? Allah ndo brei binye bipia ningon mui su. Nogindini nahagom ninok awak mem na di Andigpoi bu. No di ade mok perak jo kron nideti he bi.”

NITRITI 44:16 ပူးပေါင်းရင်းမြစ်များ

NITRITI 37:7

Nyeni yahagom igyai midyai ei miaisi ba, ike gandum nintam kin yam leu api ditde gandum ningot ndig kiju biya pijum lo, jide nya hagom igya ttai ditde biyom yo bak.”

NITRITI 37:9

Mpe di gom kin bu lene noni bong bimumpriem mbigom kin bu bimbot kep tut bak nikindig bat nya bipai “Dimumpriem mbigom kin bu bidingat lo, mpia njap kin bed mmun kin ham mpia-bbed him nya ningat simnaibrimiggom hagom ikuk yok bida.”

NITRITI 44:17

Noro Yusuf srep bipai “E bi! Midiyai igbit apaisi dima bi. No di mok perak de jo kron nideti nongkom minok awak mem da. Je di nindigsi jingwes ngun bijingkwei ndam jicig hanyen hak ug.”

NITRITI 44:32

Lene gima he bi. Dipreu ei bak dicig bipia midikes diyaisi ei mem nipmot ndrim dima. Dipai binoni bipia gino dibuwak mot dima hanyen binoni ba, ningwes ngun bi lene jo nibreisi bipia dingon mui ninno ug bipek diyaijo ningwig honti hak ug.

NITRITI 44:9

Andigpoi e, gino angat mok perak dima bijo ei nyeni nigom nide kronti lene no dima mitug ndei hukum nimai hak ug leu api nye di nindigsi mininok awak mem na di Andigpoi.”

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

EZRA 9:10

Noro tuhan Allah e, nogindini mun nyeng di kinei dima yok hagom cut igkep nye lene notou nibuhup hanyen biNa i? Nyeni nitunggwei sut acuk nyeti nya,

EZRA 9:15

tuhan Allah Israel e, Nangkom angon sren-srau kei. Mbro nok gima lo, asindui sut ba, nyeni ningwes ngun yo. Dem tut gima nidideu Nani ba, niya ei Aho bei bi. Noro abon nituti mem nyeni tu leu api nipai jit nitunggweisi nya biNa.”

NIPINGOK NINGONTI 17:15

tuhan ningon sibui sut yo di isindui sut ba, no di sibut ningwes ngun leu hukum kin yo di ikes hukum ei no di ningon ngun dip cem.

NIPINGOK NINGONTI 28:17

No di ningon mui di ningon huk niti tut nihwen munti mporo nang kikau ba, ug bipek niyaijo ningwig honti bicoi jui kep. Ba, hi di bigen ser ninangti dima kan bi.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 5:3

Gima rino disut pai “He je di timiei minu ndig Yerusalem kin Yehuda nya e, ma jigwam nok nikei ba, jikos tut mem dani kin ditde miai ba anggur dima.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

MBEN ISRAEL IMBUT-MBUT NYEN 32:23

Noro ma jiyok ngon kep bipia gino jiyai bipek kep mun di jipreu ei pima bi lene jibon sisar tut tuhan ba, mijitug ndei hukum drek dip.

MATIUS 7:2

Lewo Allah di nok nikei mibibon je bit leu nok jibibon hi terti. Noni mibinai je bit leu nok jibinai hi ter.

LUKAS 12:2

Ninjeng gom mipiga digai mun nyeng hagom di jo nding hanyen. Nihyet gom mitibim tut mimun hagom ei nibreisi hanyen.

KISAH 2:37

Tirigi tungwatu dima yok imiap nihyet lene ingon huk niti ba, ihig pus Petrus nya “Nisut bat jen, nibon mindei i?”

NINDAT KEP TUHAN NICUKTI NYA 25:1

Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui,

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:18

Gima leu lene Yosua cuk Zabdi de ig bei nsi nya bikiju bigya bibie ba, bikwop tungwagom-gom kiju biya bibie sindam lene tuhan ndo Akhan di Karmi nipmot ba, Zabdi nignyon pima nok no di ningon mui.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.