NITRITI 43:9 - ALLAH NIHYET MEM TUNGWATU NYA

⁹ Midikes diyaisi ei mem noni ba, dibuhup hanyen bina tut mun di pek kep mem noni hagom. Gino dibuwak noni hanyen kwei bina ba, ningwes ngun bi lene dingon mui bijo ninno ug bipek diyaijo ningwig honti hak ug.

NITRITI 43:9 ပူးပေါင်းရင်းမြစ်များ

NITRITI 31:39

Tirigi po mindhe-ndhe di niten-pos nya yaham ade domba nya kin kambir nya lene dittei mindhe mai bidindo bina bi. Noro dikes ditde mindhe di niyaijo biya luei nohoti hanyen. Tirigi po hi mbrai mindhe leu na di Andigpoi mem njap kin mmun cem lene akak tut da bidikes ditde mindhe biya luei nohoti hanyen bu.

NITRITI 42:37

Lene Ruben pai bak nicig “Arig e, dwai. Akes Benyamin ei dindati leu api midibuwak noni hanyen kwei yo. Gi bi lene midikes dipmot bat cin ei andati leu binhyepo ahwen yok bimai hak ug.”

NITRITI 43:10

Gino ighyet srou kui yam nyen nok gini ninno bi lene mpaba nuug binikwei hanyen mbican bu tu e?”

NITRITI 9:5

Bikwop tungwatu kin mindhe di hwen tungwatu bimai lene midikes hukum nimai ei dip.

SAMUEL GI NICAN 14:9

Lene sop dima pai bak “Na di Andigpoi di Anyeng Jei e, mun mindei rino na di Andigpoi abon nya lene dani kin ditde ig bei nsi nya minibiang ayai munti nibuhunti a. Na di Andigpoi kin ade ig bei nsi nya mijingon ngun hak ug.”

NIBOU NDIG NYA GI NIGOM 1:21

Gi bi ne gino na di Andigpoi amai leu su lene yo dima mibibon dipmot nyeni nok yo di yaham imbuk kep nibou ndig di nijep.”

AYUB 17:3

Allah e, dingon sren. Ma aba angon com dihyet! Tou bu rima usap dihyet dima i?

MAZMUR 119:122

Ma apreu ei mem da bipia mporo ma ampu da lene ma asindui sut ba, yo di inggei sut yonti ico kep da au.

YEHEZKIEL 3:18

Gino disok dihyet tut no di mbuk igkei ei nani dip bipia jei bi ne no dima mitug midut lo, asok kep no dima leu binhyepo noni ttin ser nide sisar biningwes ngun bi lene noni mimai ei nide sisarti noro suar abiang nimaisi nibuhunti hanyen.

YEHEZKIEL 3:20

Gino no di ningon kwes-kwau sindi ngkwei hanyen ndam mun di mbuk bibor leu api disindui sut ba, mun di buhun cut igkep noni lo, asok kep noni bi lene noni mitug midut drek dip nide sisar. Midiyok ngon kep niyai munti di kei bibor nya pima bu bi noro suar abiang nimaisi nibuhunti hanyen.

YEHEZKIEL 33:6

Ne gino no di ya ser ngat siceu nya di idideu kwei su noro bui brem-brem di bitto tut siceu nya ikweisi bi leu api ikwei hwen yo di ibon sisar ne suar no di ya ser buhup hanyen biDa tut yahagom imaisi.

YEHEZKIEL 33:8

Gino ditri tut bipia no di mbuk mitug midut noro asok kep noni leu binhyepo luei ningonti tut niyai munti nya leu binhyepo ningwes ngun bi ne noni mimai ei nide sisarti noro suar abuhup hanyen biDa tut nimaisi.

LUKAS 11:50

Allah yai nok gima leu binhyepo tungwatu nya ei nijam dini mitug ndei hukum drek dip nabi di tungwatu nya ikimukep yok habiei leu nimbie him di Allah pai tes dihyeisi dini,

IBRANI 7:22

Neheng dima bindei Yesus nok imam gi titer. Noni ngot nimig mem nye ei gi preu nijepti di kei bibor dor njiriek bu.