NITRITI 43:18 - ALLAH NIHYET MEM TUNGWATU NYA

¹⁸ Tirigi yuug ei puig sinon tu lene ingwes mien ba, ikan bigya awak dima mibuwak yok ug ei ig bei nsi drek dip mitiei di jo ei ide kron nyati mem imbutti gi nigom pima ri. Mbigom noni kin nide limwa nya mihwen yok bikat yok nok awak bipos ide keledai bingwig leu yok ug rin e?

NITRITI 43:18 ပူးပေါင်းရင်းမြစ်များ

NITRITI 42:21

Leu api isimbot kep biyam bipai “Itug ndei hukum dini drek dip mun po ibon tunggwei sut ikinjoi kieti pima ri. Mbro nok gino mun di kinei bibor cut igkep noni ba, noni kon ninda ser nye lo, nyeni ingkek ndok tut. Gima rino itug ndei hukum di buhun ei njap di ammani.”

NITRITI 42:27

Tirigi yuug ei puig sinon rino hi kwek nide kron mem gima bihyen nide keledai lene ngat lo, nide mitiei no jo srig gandum nganti ei kron nuhuig a.

NITRITI 42:28

Leu api hara tut bak nindigsi nya bipai “Ayo! Itug ditde mitiei hanyen bida! No jo kron dini nuhui.” Apino yahagom inghuisi mpig sut ba, ingwes mien bihig yam “Allah nggon ndei nye i?”

NITRITI 42:35

Lene yahagom ikwek ide kron nya bingat lo, bikwop tungwagom-gom de mitiei jo srig gandum nganti apino yahagom kin icig Yakub ittin bibor.

NITRITI 43:17

Lene awak dima yai hagom bit leu nok Yusuf nicuk noti bibuwak yo dima ug ei Yusuf de ig bei nsi.

NITRITI 43:19

Gima rino ibrim ingkek kep noni ei dimbou hui bipai bak,

NITRITI 44:8

Na di Andigpoi akan tut bipia nitug mitiei po ningat ei nyende kron nyati pima hanyen bina di Andigpoi tirigi nikwei leu minu Kanaan pima tu. Gima rino gi mbun ninggimang perak kin mas leu nibou mben Mesir de ig bei nsi kan bi.

AYUB 15:21

Nibimbiti nindig bibor di tibim tut ningon digitti mibindei ba, nitingou nam lene yo di ipos ndigban igkei nya mihwen noni ei mpe di noni kan bipia mpia mbum-bra.

AYUB 30:14

Yoni inok minyei di su dino tu ditde ngug tig niya ngkiemti. Ibram yam kwei biyoom da noyam kin muk di rus di om da.

MAZMUR 53:5

tuhan pai “Yo di isibut bibor dima ingon huk niti tut igyai munti nya bi e? Igyai mun di isuar nya tug hon gi ipos ndigban leu Ditde limwa nya lene igingat nadi bak Dani bi sren.”

MAZMUR 73:16

Diba dingon srip huk mun di buhun dini noro dingon kiowi niti lewo buhun bibor mem da bibou,

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

DANIEL 6:4

Jei bi lene jo nibreisi bipia Daniel nijoi bibor dor njiriek nibou nindigsi nya kin yo cin po ingig igyai kep yok pima yahagom. Daniel nijoi biborti bindei ba, Darius joi sut ta noni nok no di ninyeng jei bibor dor njiriek hiter ei nide ninyeng tak kepti.

MARKUS 6:16

Tirigi ninghapti dima tibim ug ei Herodes nitingou nsi lene noni pai sut Yesus “Noni ne Yohanes di tur tungwatu nya ei minyeiti po dicuk tentara nya ba, yuug birop nibou leu pima rin lo, kiju hanyen leu nimai eisi tu!”

ROMA 7:8

Puig Yahudi niggai serti dima bon nituti mem sisar lene sisar yai nibou tut da ba, biyai ningon pri kepti nyeng mang bibor ttau hak ei dingonti. Gino Puig Yahudi niggai serti ningat rin bi ne sisar tak kep nye bi lewo sisar mai su.

NINDAT KEP TUHAN NICUKTI NYA 22:14

Bipai kep nitnem bipia ei mpe di igyem njita tut yamti lene ngat lo, nitnem gwam nitta pilei bi.

NINDAT KEP TUHAN NICUKTI NYA 22:17

bipai kep bipia mpe di igyem njita tut yamti lene nitnem gwam nitta pilei bi. Noro minyahas dini bindo tut bipia mpe dima ne dipmisop gwam nitta pilei yo. Ma jingig jiyai kep ninggrom di jo nide minyahas nibongti dini!’

NIJAM NIKEI NYA 13:22

Gima rino Manoah pai bak nitnem “Ayo! Misitug ndei nimai lewo singat Allah bou siyai him tu!”

NIJAM NIKEI NYA 14:4

tuhan bie tut Simson niyai munti dima noro nicig-nipmem nya ikan tut bi. Lewo tuhan sindi nggok nituti mem gima Noni hwen mben Filistin. Mpe dima lene mben Filistin inyeng tak kep mben Israel.