NITRITI 42:38 - ALLAH NIHYET MEM TUNGWATU NYA

³⁸ Noro Yakub srep bipai “Midice tut Benyamin bit je bi sren. Nikindig mai leu noni tu ba, nimig gom he. Mpaba mun di buhun micut igkep noni kak puig sinon e? Dikoi bibor tu. Gino jibindei ba, dingon ngguk bibor bu lene midimai hak drek dip.”

NITRITI 42:38 ပူးပေါင်းရင်းမြစ်များ

NITRITI 37:33

Lene Yakub ngat igbit nipmot Yusuf de sinsun bicot tut “Ayo! Mot de nide sinsun pa ri! Mindhe di niten-pos ttem Yusuf baham noni ug su!”

NITRITI 37:34

Apino Yakub ningon ngguk bibor birik nide sinsun rok him bijuk sinsun kron drek dip nipmot ba, ningon di ngguk dima jo kikau ei njap mang.

NITRITI 37:35

Nipmot bat nya kin nipmisop bat nya yahagom igwam ser ningon noro noni kou sut bipai “Dingon ngguk bibor tut dipmot nimaisi kikau ba, duug bimai kep.” Lene noni pim kui jei sut nipmot kikau.

NITRITI 42:13

Lene ibuhup “Andigpoi e, nahagom nibou simnaibrimigcan ba, nikindig nikinjoi bat yam binibon nicig gom ngat ei minu Kanaan. Nyeni nikinjoi kieti gom mai leu nye tu ba, nipumiap no gwam bit nicig.”

NITRITI 42:37

Lene Ruben pai bak nicig “Arig e, dwai. Akes Benyamin ei dindati leu api midibuwak noni hanyen kwei yo. Gi bi lene midikes dipmot bat cin ei andati leu binhyepo ahwen yok bimai hak ug.”

NITRITI 42:4

Noro Yakub kes Yusuf nikinjoi Benyamin bibit yok bi lewo ningon hek tut noni bikan bipia leu ma noni cem mitug midut e?

NITRITI 43:13

Ma jibuwak jikinjoi ndrim bijimbut sindem ug ei minu Mesir hanyen.

NITRITI 44:20

Lene nibuhup ahyet binipai bipia nibon nicig di no gwam noro ninghim koi bibor ba, nibon nikinjoi ndrim di nipmem yai bak nicig mem niwer andig-ndausi. Mot dima nikindig mai leu su ba, nimig gom he. Apino nicig ngondut noni nindig bibor.

NITRITI 44:22

nibuhup ba, nipai bina bipia bit bon noni kes nicig ei kan bi leu gi nok lene nicig mimai hak ug.

NIBOU NDIG NYA GI NIGOM 2:6

Dipmot na e, ma abuhup binoni bit leu angon kanti lene ma asindui sut noni bimai he ei niwer andig-ndausi au.

AYUB 41:32

Noni bindei ba, nohoti piga mpia ei ninghim dip ba, nirai kieng kep muk ningwa dip.

MAZMUR 71:18

Allah e, nogindini duug wer andig-ndau bidibou tiei su lo, ma akes da ei au. Noro anyohou da kikau leu binhyepo ditri tut Ade nisindemti kin mimbri di kui angkekti bak ditde nintun him yamti di bram yam nya yahagom.

MAZMUR 90:10

Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

NIBA NINGON SRIP HUKTI 1:14

Dingat tungwatu nya ide niyai munti di igyai kep ei dihyei njek dip dini hagom tu. Ma jiyok ngon kep bipia mun dima ne mun di bit bon ingon dorti tut kan bi rin ba, dem kep nok niyon igkep hou nimig.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 38:10

Dipai bipia side njap ug ei nahacanti he yo lo, suar suug bisibindei ngwig side njap nikenti ei minu nimai nya ide.

YESAYA 46:4

Dinok jide Allah kikau ug bipek jinghim koi kep bidiya ser je kikau bijibou tiei kep. Dipai tes je ba, midinyohou je bidimpu je cem ba, miditeu je bijingwes ngun cem.