NITRITI 42:22 - ALLAH NIHYET MEM TUNGWATU NYA

²² Lene Ruben pai “Nipou lene dipai ser je bipia ma jingget noni au. Nok bi e? Nogindini itug ndei hukum drek dip nimaisi ri.”

NITRITI 42:22 ပူးပေါင်းရင်းမြစ်များ

NITRITI 4:10

Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

NITRITI 42:23

Yusuf miap mun di isimbot kep biyam tut hagom noro nikindig bat nya ikan tut gima bi. Lewo imbrap bit noni tug hon no di kiek nihyet kan.

NITRITI 45:3

Lene Yusuf mbot kep tut bak nikindig bat nya kin nikinjoi bipai “Dani ne Yusuf pima ri. Dicig no niyaijo yo e?” Noro bit bon yoni ibuhup kan bi lewo ingon ttin bibor.

NITRITI 50:15

Niabiati tirigi icig mai leu yok tu lene Yusuf nikindig bat nya ihig yam “Gino Yusuf no ningon sibui sut nye bibirop binye drek dip mun di ibon tunggwei sut noni lene notou mem nye i?”

NIBOU NDIG NYA GI NIGOM 2:32

tuhan mikes hukum nimai ei noni dip drek dip gi po yai nimai bak yo pima nyahan leu ba, dicig gikan tut bi. Yo cin dima ne Abner di nibou pran mben Israel kin Amasa di nibou pran Yehuda nya hi rin ba, yahacem ingon ngun ba, isingat kei dor njiriek Yoab cem noro noni yai nimai biyok.

NIBOU NDIG NYA GI NIGOM 2:33

Yoab kin nide nintun him di bram yam nya mibiang nibuhunti drek dip nibou pran cin dima imaisi bijo ninno bijo kikau. Noro tuhan minjei mun di kei bak dicig Daud de nintun him yamti di bram yam nya di igya luei nohoti bigwam nok nibou ndig ba, yahagom mibong kei migwam kei.”

MAZMUR 9:12

Jikwei ba, inggei sut tuhan di ninyeng tak kep limwa nya ei Sion! Jipui sut nibon munti nya bak ngkiai nya yahagom!

YEHEZKIEL 3:18

Gino disok dihyet tut no di mbuk igkei ei nani dip bipia jei bi ne no dima mitug midut lo, asok kep no dima leu binhyepo noni ttin ser nide sisar biningwes ngun bi lene noni mimai ei nide sisarti noro suar abiang nimaisi nibuhunti hanyen.

LUKAS 23:41

Gima igbit mem sani. Lewo situg ndei hukum drek dip mun di siyai tunggwei. Noro No dini yai mun tunggwei hi bi!”

KISAH 28:4

Tirigi timiei mios dima yok ingat wou di ndun Paulus ninda him lene ipai biyam “No dima ne nihwen mun cig ri. Mbro nok gino ningwes ngun leu muk mpoti lo, Birop Hanyen Cig hatap noni lene sindui sut niyaisi jo bu bi.”

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.

NINGAT-HI-NGAT NYA 16:9

Mpia wam bibor bitigut yok apino ikucang Allah lewo Noni sindem ba, bindei nsuwer ajar dima yok hagom cut igkep yok. Noro ikou sut gi ittin ser ide sisar kin gi ikiek yok ndam Allah kin gi inggei sut Nide nisindem biborti.

SAMUEL GI NIGOM 19:4

Lene Yonatan nggei sut Daud bak Saul bipai “Arig e, ma abindei ba, mun di buhun cut igkep ade awak di Daud au. Noni yai mun tunggwei sut nani hi bi sren. Noro niyai munti nya hagom ngat ningat di kei mem na.