NITRITI 42:21 - ALLAH NIHYET MEM TUNGWATU NYA

²¹ Leu api isimbot kep biyam bipai “Itug ndei hukum dini drek dip mun po ibon tunggwei sut ikinjoi kieti pima ri. Mbro nok gino mun di kinei bibor cut igkep noni ba, noni kon ninda ser nye lo, nyeni ingkek ndok tut. Gima rino itug ndei hukum di buhun ei njap di ammani.”

NITRITI 42:21 ပူးပေါင်းရင်းမြစ်များ

NITRITI 41:9

Lene nibou mem ba anggur ngei pima pai bak Firaun “Aye! Sindi diyok ngon kep mun po dibon tunggwei sut gi nipou pima.

NITRITI 44:16

Lene Yehuda buhup “Andigpoi e, bit bon nibirop ahyet kan bi. Notou minimbrap gau nyenti binindo bipia ningon sren i? Allah ndo brei binye bipia ningon mui su. Nogindini nahagom ninok awak mem na di Andigpoi bu. No di ade mok perak jo kron nideti he bi.”

NITRITI 45:3

Lene Yusuf mbot kep tut bak nikindig bat nya kin nikinjoi bipai “Dani ne Yusuf pima ri. Dicig no niyaijo yo e?” Noro bit bon yoni ibuhup kan bi lewo ingon ttin bibor.

NITRITI 50:15

Niabiati tirigi icig mai leu yok tu lene Yusuf nikindig bat nya ihig yam “Gino Yusuf no ningon sibui sut nye bibirop binye drek dip mun di ibon tunggwei sut noni lene notou mem nye i?”

SAMUEL GI NICAN 12:13

Lene Daud buhup “Dibon sisar tut tuhan tu.” Lene Natan pai binoni “Andigpoi e, tuhan kos ser ade sisar tu. Apino ma atug ndei nimai drek dip bi.

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

NIPINGOK NINGONTI 21:13

Gino angkek ndok tut nuhui mbum nya ne mpe dino nani ahara tungwatu nya lene hi mingondut nani bi.

NIPINGOK NINGONTI 28:17

No di ningon mui di ningon huk niti tut nihwen munti mporo nang kikau ba, ug bipek niyaijo ningwig honti bicoi jui kep. Ba, hi di bigen ser ninangti dima kan bi.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 34:17

Gima rino Da di tuhan disimbot dat bipia apo jigimiap kep dihyet ba, jigikwek je di mben Israel gom leu nuubon yok nok awakti bi e? Gima rino nogindini ditri tut gi dikwek je leu nuubon je nok awakti tug hon gi jitug ndei nimai ei pranti kin nsuwer ajar di hwen jeti kin gi jimai ninggumti. Dibibon jeni bit leu nok gi jibibon sapi di jibui nok mikwau. Dibindei ba, ngkiai nya ei dihyeisi dini hagom igyai ttin tirigi ingat Ditde niyai munti di bitut jeni bou igyai him a.

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

MBEN ISRAEL IMBUT-MBUT NYEN 32:23

Noro ma jiyok ngon kep bipia gino jiyai bipek kep mun di jipreu ei pima bi lene jibon sisar tut tuhan ba, mijitug ndei hukum drek dip.

MATIUS 7:2

Lewo Allah di nok nikei mibibon je bit leu nok jibibon hi terti. Noni mibinai je bit leu nok jibinai hi ter.

MARKUS 9:48

Ei mpia ttou nsi dima ne njingwoi mai bi ba, bipio yok lene hum njeng cem bit bon hi mu kan bi.

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

KISAH 19:18

Yo di ingon jo kep nya imang bibor ikwei pai jit bimbot kep tut nung nya di ikui yok nipou su dima brei bou tungwatu igyai him.

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.