NITRITI 41:8 - ALLAH NIHYET MEM TUNGWATU NYA

⁸ Njap di hyep bu rino ningon ku no tut. Gima rino nduk yo di nung kui yok nya kin yo di ingon ki nya di ibong ei minu Mesir yahagom kwei. Lene noni pui sut nide mun di mumpriem dima biyok noro bit bon hi mbot kep tut mumpriem dima kan bi.

NITRITI 41:8 ပူးပေါင်းရင်းမြစ်များ

NITRITI 40:6

Njap di hyep rino Yusuf tau kep yok lene ngat lo, iimaisi hai.

NITRITI 40:8

Lene ibuhup “Nahacem nimumpriem hi mmun di aponi noro bit bon tungwa hi mbot kep tut mumpriem dima ningat binye kan bi.” Lene Yusuf pai biyok “Allah Nongkom sindem tut tungwatu nya leu binhyepo imbot kep tut nimbot kepti kan. Ma jipui sut mun di jimumpriem bida ug e.”

NITRITI 41:15

Lene Firaun pai binoni “Dibong bidimumpriem noro bit bon hi mbot kep tut mumpriem dima bida kan bi. Tungwagom pai anghapti bida bipia ambot kep tut mun di imumpriem nya kan.”

NITRITI 41:24

Lene gandum nibou di ngoi-nga pinde gi hi di mpung kei nya bingwig. Dipui sut mun di dimumpriem dima bak yo di nung kui yok noro bit bon hi mbot kep mingat bida kan bi.”

NITRITI 41:7

Lene gandum nibou di ngoi-nga nya pinde gi hi di mpung kei nya bingwig. Lene Firaun da niyai hanyen bikan bipia noni mumpriem.

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

NEHEI LEUSI 7:11

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.

NEHEI LEUSI 7:22

Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

NEHEI LEUSI 8:7

Lene yo di nung kui yok pima cem iba inda di dut bindei ba, ugwaham hi kin bu ikiju leu minyei jou bikieng kep dihyeisi.

NEHEI LEUSI 9:11

Bit bon yo di nung kui yok ikwei ya ei Musa noho bei kan bi lewo buhwei com ingut titut yam noyam kin mben Mesir nindigsi nya yahagom.

YESAYA 19:3

Midibindei ba, mben Mesir ingon kanti di itin ei nya mipek kep bi leu api mimbri di kui ingkek dahat leu yok. Yahara kwar nya bimpu yok ba, yahara nung nya kin ninnei rom nya cem tut nipingokti di bindo puig di kei biyok.

YESAYA 29:14

Gima rino midibindei ba, idigit tut nibui yokti di bijo kikau. No di ningon ki minok no di ningon mbum ba, ide ningon tekti nya hagom bon ninyeng bi.”

YESAYA 8:19

Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”

DANIEL 1:20

Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.

DANIEL 4:18

Beltsazar e, gima ne ditde mumpriem hagom ndia ri. Nogindini ma apai igbit mumpriem dima ningat bida. Bit bon yo di ipingok kep dingonti bidem minu Babel hagom ipai mumpriem ningat bida kan bi. Noro ma apai ningat bida kan lewo angon mpung tut Allah ninnei a.”

DANIEL 4:19

Daniel di ninyeng hi Beltsazar miap nihyet dima lene digit tut ba, nga leu nindig bibor. Apino Nibou Ndig Nebukadnezar pai bak “Ma adigit tut ditde mumpriem kin mumpriem ningat au.” Beltsazar buhup “Andigpoi e, Dillei sut gino ade mumpriem kin nimbot kepti cem hagom bitut nani bi noro bitut ade siceu nya.

DANIEL 4:5

Noro mpe di gom ne dibong mai leu lene dimumpriem tut mun di buhun bibor bididigit tut. Dingat ningat-hi-ngat nya cem di bindei ba, dingwes mba.

DANIEL 4:6

Gima rino dihig yo di ipingok kep dingonti bidem minu Babel hagom kwei leu binhyepo ipai sut mumpriem dima ningat bida.

DANIEL 4:7

Tirigi yo di ingon ki kin yo di nung kui yok kin yo di inda dut kin yo di iko mun ibinggok tut ndiyok nya yahagom idem yam ei su leu api dipai sut mumpriem dima biyok noro bit bon ipai ningat bida kan bi.

DANIEL 5:11

Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

IMAM NYA IDE MIDYAI 19:31

Harin dima juug cem kep yo di nung kui yok nya bipingok kep jingonti a. Leu gi nok lene map mikui jeti. Dani ne tuhan bidinok jide Allah ri.

IMAM NYA IDE MIDYAI 20:6

Tungwa tou rino bisau ndam no di nung kui di mbrap kep bit nimai ngwes nya igkei ba, no mbrap bit nimai ngwes hi lene midikes hukum ei noni dip ba, midibibon noni nok no di nggre kin Ditde limwa nya bu bi.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 7:22

Guru nya ingginau kep Musa ba, noni yai ningon di ki tut mben Mesir igyai kepti nya hagom. Ba, yai ninyeng di jei tug hon nihyet buhun kin nisindemti cem.

KORINTUS GI NIGOM 1:19

Lewo Allah nihyet tibim kwei bipai binye, “Dibindei cut ningon kiti di kwei leu yo di ipai sut yonti bipia ingon ki nya. Dibindei pror nihyet di mmau di kwei leu yo di iji nggan nya.”

SAMUEL GI NIGOM 6:2

timiei minu dima ihig ide imam nya kin yo di nung kui yok kwei leu api ihig ser yok “Ninggon ndei Brua Gi Preu dini i? Gino nitug brua dini hanyen bak niceu lene niba mindei kum eisi bu i?”