NITRITI 41:56 - ALLAH NIHYET MEM TUNGWATU NYA

⁵⁶ Ninggum di kinei bibor sindi kieng kep mben Mesir yahagom. Gima rino Yusuf kau dimbou leu ig gudan bousi nya hagom bitri gandum ngan bak timiei minu Mesir nya.

NITRITI 41:56 ပူးပေါင်းရင်းမြစ်များ

NITRITI 12:10

Mpe dima lene ninggum nindig bibor hwen minu Kanaan hagom apino Abram nya yuug ei nite bei mpia nibiho kikau ug ei minu Mesir bibong ei sirima bibou ninggum pima kes leu ug e.

NITRITI 41:30

Noro niabiati bu lene ninggum di kinei bibor mihwen nye apino tungwatu nya mingon prion ser ari bingwam nitindur muhwindacan bitut njita di nnum kei pima. Lewo ninggum di kinei bibor dima mibindei ba, njita ei minu dip dini hagom mui bingwig.

NITRITI 41:35

Ma akes ahyet biyok leu binhyepo imbus njita dima hagom keyam binju gandum njep ug ei ig gudan bousi bidem minu ndig bigya ngkiem ser sri bibou ari bingwam nitindur muhwindacan di kei bibor dima ngwig ug e.

NITRITI 41:55

Tirigi ninggum sindi hwen timiei minu Mesir nya lene yahara Firaun noro noni cuk yok leu binhyepo yuug ngat Yusuf bibit nicuk yoti.

NITRITI 41:57

Ngkiai nya bidem dihyei nisurti-nipekti hagom ibipbur kwei ei minu Mesir leu binhyepo ipek gandum ngan leu Yusuf lewo ninggum di kinei bibor hwen dihyeisi dini hagom.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 43:1

Ninggum ei minu Kanaan kum eisi bu ba, kinei bibor.

YESAYA 23:17

Ari bingwam ningot muhwindacan dima ngwig leu lene tuhan miyok ngon kep minu ndig Tirus hanyen. Noni mibindei ba, minu ndig Tirus yai kep nide midyai nok gi nipou hanyen. Noni miyai midyai nitri-nipek mun bit mben dihyeisi dini hagom.

ZAKHARIA 5:3

Lene noni pai bida “Nisigionti mem minu dini nisurti-nipekti no jo srat kijum dimati a. Mun di ipas ei srat nite hi pai tuhan micok tut bikwop ninggimang mun cig leu minu dini. Ba, mun di ipas ei srat nite hi bu pai tuhan micok tut neheng ugwai-gwai tug hon tuhan ninyeng cig leu minu dini.

LUKAS 21:35

dem kep bon di srou je. Lewo njap dima mittau kros kep tungwatu dihyeisi dini hagom.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.