NITRITI 41:43 - ALLAH NIHYET MEM TUNGWATU NYA

⁴³ Noni ndo kroba pran gi nican bitut kuda nya di ibrim tut nok Yusuf de bibri bigwam dip leu api yo di igya ser nya di igya kui noni ibie noho ba, ijem bak yo di ingwig kep Yusuf bipai “Jitti bileu o! Jitti bileu o!” Lene nok. Gima rino Firaun ndo Yusuf nok nibou di ninyeng tak kep mben Mesir.

NITRITI 41:43 ပူးပေါင်းရင်းမြစ်များ

NITRITI 41:42

Lene Firaun juk nide srak mas nimien di cap ninyeng tak kep joti leu ninda pijum bibijuk Yusuf ninda pijum. Lene noni juk sinsun ndok di jei di nggriu-nggrop di nibok kak bibor ei noniti biyai mimau mas bisrou nikimam.

NITRITI 41:44

Ba, Firaun pai binoni “Mbro nok gino danti rino nibou ndig mben Mesir lo, ditri tut bipia gino na di Yusuf ace tut bi lene bit bon timiei minu Mesir nya yahagom igyai mun nyeng hi kan bi.”

NITRITI 42:30

Ipai binoni “Nibou mben Mesir ba nihyet di ten bipai kep nye bipia nuug yok nitta kep nide minu.

NITRITI 42:33

Lene no dima buhup binye bipia suar nibon mun di bindo bipia nyeni ningon sren nok gini. Nigom misima hak lene nye di nindigsi nya ningkwei hanyen binipwoi gandum ngan mem nide bat nya di imai inggum ug e.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 45:26

Lene imbot kep tut Yusuf binoni bipai “Yusuf no niyaisi jo yo! Noni ne nibou di ninyeng tak kep mben Mesir nisurti-nipekti hagom ri!” Noro Yakub ntu kep ninghuisi tut ba, gi mbun ba ningon com ighyet kan bi.

NITRITI 45:8

Gima rino jo nibreisi bipia jeni rino jibindei di dingat rin ei mpia dini bi noro Allah rino buwak da kwei a. Ba, Noni rino bindei dino Firaun kon dinyeng bijo nai dor njiriek yo di igya kui noni nindigsi nya yahagom. Dinyeng tak kep timiei minu Mesir nya yahagom kin minu dini hagom.

NITRITI 50:18

Lene nikindig bat nya ikwei om yo ei nimig him ba, iba ingwak bikik mpia lene ipai “Nikuk nye bininok ade awak nya hak ug.”

NITRITI 50:9

Nide nimpung tentara di ibri kroba pran kin gi hi di ibri kuda cem ibit noni ba, yahagom injei bram yam ba, imangti nipmem ngat.

ESTER 10:3

Mordekhai di mben Yahudi yai ninyeng di jei ba, noni ne no di ya kui Nibou Ndig Ahasyweros binok nide wakil mem nijam di nibou ndig ninyeng tak kepti ri. Limwa Yahudi nya ingon kei sut Mordekhai ba, ibou cut binoni cem. Noni brim ningkek bibindei ba, nide mben ingwes ngun leu mun di cut igkep yok ba, ibong kei igwam kei cem. Ba, noni yai igbit niyaisi dima tut ide nintun him yamti di bram yam nya cem.

ESTER 3:2

Nibou ndig cuk nibou di igya kui noni yahagom leu binhyepo iba ibiau bicom mpia ei Haman noho bei ba, ikuk yok bak. Apino nindigsi nya yahagom ibit nibou ndig nicuk yokti noro Mordekhai kou sut ba, gikuk no bak bi.

DANIEL 2:48

Leu api Nebukadnezar bindei ba, Daniel yai ninyeng di jei bibor bitug ndei ndigban di nibok kak bibor cem. Noni ta Daniel ba, ninyeng tak kep ei minu Babel bikon ninyeng nok nibou mem yo di igya kui nibou ndig yahagom cem.

KISAH 7:10

biteu noni leu api ningwes ngun leu mun di buhun tak noni hagom. Allah yai ningon di singat kei kin ningon di ki cem bak Yusuf tirigi noni ya ei Firaun di nibou ndig Mesir noho bei. Apino Firaun kon Yusuf ba, yai ninyeng di jei bak binok nibou mem minu Mesir nisurti-nipekti lene ninyeng tak kep Firaun de ig bei nsi nya yahagom cem.

FILIPI 2:10

Leu binhyepo Allah nipai testi di ninnei ttau nuhwap nsi ei gwamti kin dihyeisi kin dihyei jou yahagom iba ibiau bicom mpia, bikon Yesus ninyenga.