NITRITI 41:25 - ALLAH NIHYET MEM TUNGWATU NYA

²⁵ Lene Yusuf buhup “Andigpoi e, mun di amumpriem tut dima hacem nimbot kepti gom ngat he. Lewo Allah mbot kep tut ningon kanti bina di Andigpoi.

NITRITI 41:25 ပူးပေါင်းရင်းမြစ်များ

NITRITI 40:8

Lene ibuhup “Nahacem nimumpriem hi mmun di aponi noro bit bon tungwa hi mbot kep tut mumpriem dima ningat binye kan bi.” Lene Yusuf pai biyok “Allah Nongkom sindem tut tungwatu nya leu binhyepo imbot kep tut nimbot kepti kan. Ma jipui sut mun di jimumpriem bida ug e.”

NITRITI 41:16

Lene Yusuf buhup “Andigpoi e, dani ne bi noro Allah mimbot kep tut nok igbit bina di Andigpoi.”

NITRITI 41:26

Lewo sapi di pap-nap kei nya ningut muhwindacan kin gandum nibou di mpung kei ningat muhwindacan hacem bindo tut ari bingwam nitindur muhwindacan ba, hacem bon nisinati gom ngat he.

NITRITI 41:28

Bit leu nok gi dipai bina di Andigpoi ri. Allah mbot kep tut ningon kanti bina di Andigpoi tu.

NITRITI 41:32

Na di Andigpoi amumpriem mbican tut mun di bon nimbot kepti gom ngat he lene gini bindo tut bipia Allah kos tut ningon kanti tu leu api noni mibindei ba, jei bi lene hagom cut igkep nye.

MAZMUR 98:2

tuhan tri tut bipia Noni bindei timek siceu dima bibindo tut Nide niteu nye bingwes ngunti bak ngkiai nya.

NEHEI LEUSI 9:14

Lewo mindur di dibon nogindini mibindei ba, hukum micut igkep yo di igya kui noni kin nide limwa nya he bi. Noro micut igkep noni cem leu binhyepo jo nibreisi mem noni bipia tungwa hi noyam kin Da ei dihyeisi dini bi.

YESAYA 43:9

Ma jicuk mben ngkiai ei dihyeisi dini hagom leu binhyepo induk yam kwei ei nikei noho bei. Leu ide kwar di ikuk yok bak nya ne gi tou ripai nisinati tut mun di sindi pek kep mem tungwatu nya nogindini i? Gi tou ripai nisinati tut mun di mipek kep mem tungwatu nya ei nidipti bu i? Nnaba yo di imbrap gau yok indo bindo brei binye bipia yoni ne kwar di tungwatu nya ikuk yok bak ningat-ngat nya rin leu binhyepo tungwatu nya di imiap kep ighyet dima mice tut yok bipai “Igbit ri!”

DANIEL 2:45

Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

MATIUS 24:40

Mpe dima ne ibou can igyai kep miai leu api malaikati teu gom leu lene kes tut gom.

MARKUS 13:23

Gima rino ma jitindei ser! Dimbot kep tut gini hagom brei bije nipou tirigi nidemti bigyo.”

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

YOSUA 11:6

Lene tuhan pai bak Yosua “Ma attin tut yoni au. Lewo njap di hyep mporo ug cut nituti di noyam kin nituti dini lene midiyai nimai bak yoni yahagom drek dip je di Israel ug ri. Tirigi pran tun tu lene suar jikos kuda di ide nya imig nggiluk leu lene ma jindig kroba pran di ide nya hagom ningwig hak.”

NINGAT-HI-NGAT NYA 4:1

Gima ngwig leu lene dingat ningat-hi-ngat hi kin bu tut dimbou di kau ei gwamti. Leu api nihyet di tibim nok pun mbrei di mbrap bit da nipou jem da “Akui kwei ei sirini leu api dindo mun di pek kep ei nidipti bu bina.”