NITRITI 40:19 - ALLAH NIHYET MEM TUNGWATU NYA

¹⁹ Njap ningai bu lene Firaun micuk nide limwa nya ba, yoni irop abou leu api yahak angut ei cou dip bitas tut leu api ha nya ikwei puk anghui bingwig.”

NITRITI 40:19 ပူးပေါင်းရင်းမြစ်များ

NITRITI 40:13

Njap ningai bu lene nibou ndig mikes na leu ig bui nsi dini lene kos ser ade mun di abon tunggwei sut noni leu api kon anyeng nok nibou mem ba anggur ngei hanyen apino asu mok tut binoni bit leu nok gi nipou.

NITRITI 40:17

Lene roti ninyeng hi gom hi gom di mem Firaun jo ei bansi roti di jo nai noro ha nya ikwei puk-puk nyen.”

NITRITI 40:18

Lene Yusuf pai binoni “Dipai ningat binani. Bansi roti ningai dima ne njap ningai ri.

NITRITI 40:20

Njap ningai bu lene Firaun bon pesta nindig bibor kep nide njap di srek binduk nide nibou di igya kui noni yahagom kwei. Leu api sok nihyet mem nibou ig bui bikes nibou mem ba anggur ngei kin nibou mem roti leu ig bui nsi kwei ei yahagom yoho bei.

NITRITI 40:22

Noro noni kes hukum nimai ei nibou mem roti dip. Hagom pek kep mem yok bit leu nok Yusuf nimbot kepti.

NITRITI 41:13

Ba, dem igbit nimbot kepti pima tu. Lewo na di Andigpoi ata da hanyen nok nibou mem ba anggur ngei lene akes hukum nimai ei nibou mem roti dip.”

SAMUEL GI NICAN 21:10

Nok rino Saul nitnem ndrim Rizpa ba kron bohok prak meng mem nonti ei tig dip gom dideu mpia di Gibeon nya yahak yo dima ingut eisi bimbut leu bi mem nijam di ikinyon ei nipuk gandum-barli ninganti dima kikau ba, biget but hanyen mem nijam bed di biang hou nitausi. Sindui sut ba, ha nya ipuk ingut mem njap bi. Lene sindui sut ba, mindhe di ten nya igyem ingut mem mpia mmun cem bi.

SAMUEL GI NICAN 21:6

Gima rino ma akes Saul de nintun him di bram yamti nipinai ibou muhwindacan binye leu binhyepo nahak ingut ei dihim ninggwenti ei tuhan Noho bei ei minu ndig Gibea di nibou ndig Saul nitimieisi.” Lene nibou ndig Daud ce ighyet “Igbit ri. Midikes yok ei jindati.”

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

YEHEZKIEL 39:4

Nibou ndig Gog miya tut nide tentara nya titut yam kin yo di injei siceu bit noni ba, yahagom mikrop ei nungug him ei minu Israel. Midiyai nimbiam ngut nya bak ha nya kin mindhe di niten-pos nya binok ide mun di igyem.

KISAH 20:27

Lewo dingon tak kep Allah nihyet tut ningon kanti gom leu je bi sren.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

YOSUA 10:26

Lene Yosua yai nimai bak nibou ndig dima yok yahagom leu api pindur ingut nya ei cou dihim muhwiti kikau bipek mmunti.

YOSUA 8:29

Tentara Israel ipindur nibou ndig Ai ningut ei cou dihimti lene isindui sut ei sirima kikau bipek mmunti. Tirigi mpia cutti lene Yosua cuk tentara nya ibou poi ba, icug nimbiam ngut dima bicom hak ei dimbou pmem minu ndig Ai nuhui a. Leu api ittei tig mang bibor ba, inju bijo-jo yam dip ei mpia dima. Tig dima yok no jo nijoti dima kikau kwei bipek ammani kep.

SAMUEL GI NIGOM 17:44

Lene noni cug Daud bipai “Akwei! Midiyai nimai bina ba, awer nimbiam leu api midikes angut ei mem ha nya bipuk lene mindhe nya bibriug ug ri.”

SAMUEL GI NIGOM 17:46

Njap di ammani ne tuhan mikes na ei dindati bibindei ba, acut bak dani leu api midirop abou leu ug ri. Lene midikes angut kin tentara Filistin ingut ei mem ha nya bipuk lene mindhe nya bibriug. Leu api tungwatu dihyeisi dini hagom mikan tut bipia nye di mben Israel nibon nyende Allah di nikuk nye bak.