NITRITI 40:15 - ALLAH NIHYET MEM TUNGWATU NYA

¹⁵ Lewo ningat ne tungwatu nya ikat da kwei leu mben Ibrani itimieisi ba, dibon mun tunggwei di bindei bidisima hukum ig bui nsi ei minu Mesir dini hi bi.”

NITRITI 40:15 ပူးပေါင်းရင်းမြစ်များ

NITRITI 14:13

Noro tungwagom ningwes ngun bidor kwei lene pui sut bak Abram di mben Ibrani pima. Abram bong dideu biei nghousi di timiei minu dima ipigig ser mem ide kwar di ikuk yok bak nya lo, Mamre ninyeng tak kep gumihyep dima. Mamre ne mben Amori rin ba, noni kin Eskol kin Aner ne yo di adig-ajoi rin ba, Abram nisut bat di ibicom yam bit noni ri.

NITRITI 39:20

Ba, cuk nide limwa nya bipia ikat Yusuf bicom noni ug ei ig bui nsi bit yo di isima hukum di Firaun nonti kes ei yok dip.

NITRITI 40:16

Tirigi nibou mem roti kan tut bipia nimbot kepti dima kei mem nibou mem ba anggur ngei lene noni cem pai bak Yusuf “Dimumpriem tut mpe di gom dittei bansi roti ningai di jo-jo yam dip ei dibou nggram him.

NITRITI 41:12

Lene nipui sut mun di nimumpriem tut dima bak mben Ibrani gom di nok awak mem nibou mem yo di igya ser nya lewo noni sima ei ig bui nsi bit nye. Leu api noni mbot kep tut mumpriem nya binye.

MAZMUR 105:18

Ngkiai nya iba lante bikri kep nimigya. Iba ngkimom nitu biteu nikimam kikau,

MAZMUR 109:2

Lewo yo di isibut kin niris kep mun cig di itri tut mumpui hyet di igbit bi tut da nya ikwei yon ttai da.

NEHEI LEUSI 21:16

Tungwa tou rino kat hiter bitri no dima hanyen nok awak ba, ubon noni nok awak cem lene je di nindigsi jikes hukum nimai ei noni dip.

DANIEL 6:22

Mbigom lene Daniel buhup “Ma na di Andigpoi ayaijo ninno!

YOHANES 10:32

Noro Yesus pai biyok “Diyai midyai di kei mang bibor brei ei jiyai him bit leu Dicig nicuk Dati. Midyai di kei di diyai dima gi tou rino jihwen Da drek dip i?”

YOHANES 15:25

Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’

NINDAT KEP TUHAN NICUKTI NYA 24:7

Tungwa tou rino pos nisut mben Israel gom ba, ubon noni nok nide awak ba, tri noni nok awak mem hiter lene ma no dima tug ndei hukum nimai drek dip. Leu binhyema jidip tut sisar di kinei dima.

TIMOTIUS GI NIGOM 1:10

kin yo di icut tut yam kin pinai yonti di icut tut yam kin sop yonti di icut tut yam kin yo di ipos tungwatu bitri yok nok awak ba, ibipek mitiei kin niris kep mun cig kin yo di iris mun ei nikei noho bei bitut yo di igyai mun nindigsi di tte tut ningginausi di ntun Nihyet Di Kei him.

SAMUEL GI NIGOM 24:11

Jo nibreisi mem na di Andigpoi bipia nogindi pa tuhan kes na di Andigpoi ei dindati. Ditde limwa nya ibou poi ibidip huk da leu binhyepo diyai nimai bak na di Andigpoi noro dice tut ighyet bi lewo dingondut na di Andigpoi. Dipai biyok bipia dikou sut gima dimbuk tut na di Andigpoi lewo tuhan Nonti ta na di Andigpoi nok nibou ndig.