NITRITI 4:10 - ALLAH NIHYET MEM TUNGWATU NYA

¹⁰ Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

NITRITI 4:10 ပူးပေါင်းရင်းမြစ်များ

NITRITI 18:20

Lene tuhan pai bak Abraham “Tungwatu nya ipai kep mben Sodom kin Gomora inghapti ba, ningat ne ibon kep sisar nindig bibor.

NITRITI 3:13

Lene tuhan Allah hig ser no di sop “Nggon rino ayai nok gima i?” Leu api no di sop buhup “Wou ris da ba, diyem biei ngat dima.”

NITRITI 9:5

Bikwop tungwatu kin mindhe di hwen tungwatu bimai lene midikes hukum nimai ei dip.

NIBOHON MBEN ISRAEL GI NICAN 28:9

Oded di tuhan de nabi no bong ei minu ndig Samaria. Mpe dino tentara Israel ikat timiei Yehuda nya imang bibor bikri yok hanyen kwei lene isima ei minu ndig Samaria. Tirigi tentara nya ingkwei hanyen ug ei minu ndig dima tu lene Oded ug ngat yok bipai biyok “Jibindei timek timiei Yehuda nya drek dip gi po jidigup bat-jidigai bat nya ide Allah gga yoni. Noro tuhan ngat gi jiba jisibut biyai nimai bak tentara timiei Yehuda nya bou niyai him.

AYUB 16:18

Na di dihyei dini e, ma aku nibon munti di kinei bibor di cut igkep da leu da au. Ma akimut anda ser da tut dihyet ei mpe dino dahara nikei mem gima ba ningon srenti bimbus dingonti au.

AYUB 24:12

Yo di iduhug-duhug nyen kin yo di ibok yahara mem gima hi nyohou yok noro Allah buhup ide nadi di ingat bingondut yok bi sren.

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

MAZMUR 72:14

Noni pos yok leu yo di isibut nya kin yo di imbuk nya indati lewo yonti njem-nnei bon ninyeng mem noni.

MAZMUR 9:12

Jikwei ba, inggei sut tuhan di ninyeng tak kep limwa nya ei Sion! Jipui sut nibon munti nya bak ngkiai nya yahagom!

MAZMUR 9:13

Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

MBEN ISRAEL IMBUT-MBUT NYEN 35:33

Gino jisindui sut noni nok gima lene jibindei ba, map kui dihyei di jibong niti. Nihwen nimbiam ninggrom bindei ba, map kui minuti. Ba, puig hiter mem gima jibon midut di bindei kwes dihyei dima ningat rin bi noro tug hon gi jikus no di hwen nimbiam dima ninnei leu he.

KISAH 5:3

Gima rino Petrus hig pus noni “Ananias e, nggon rino asindui sut Bilis di pingok angonti dino aris bak Allah Ninnei tirigi angon tak kep mitiei di aba dihyei bipek dima ndrim hi mem nanti i?

KISAH 5:9

Lene Petrus hig pus noni “Nggon rino ajjep jeni jikos tut gi jiris bak Tuhan Ninnei i? Atou kep! Pinjoi pilei nya di itig ajjep ningut nogindi pa ittau hanyen ei dimbou heisi tu. Yoni mikon nani cem angut leu ig bei dini ug ri.”

NINDAT KEP TUHAN NICUKTI NYA 21:1

“Gino jittau kep tungwa hi di mai ei ngoi dumti ba, jikan tut no di yai nimai bak dima ei minu di jide tuhan Allah miyai bije bi,

IBRANI 11:4

Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

YOSUA 7:19

Lene Yosua pai bak Akhan “Apai jit-jit mun di abon tunggwei sut pima ei mpia dini ei Israel ide tuhan Allah Noho bei. Apai sut gini brei bida lene ma aku mun nyeng hi au.”

SAMUEL GI NIGOM 13:11

Lene Samuel hig ser noni “Andigpoi e, abon mindei i?” Leu api Saul buhup “Ditde limwa nya sindi ikes da ei leu api akwei krau bit leu nok gi po apai bidati pima bi. Tentara Filistin cem idem yam ei Mikhmas tu.