NITRITI 39:6 - ALLAH NIHYET MEM TUNGWATU NYA

⁶ Potifar ba ningon com Yusuf tut nide mun di nyeng tut nya hagom. Gima rino Potifar ningon ku no tut mun nyeng hi bi lo, pai sut nide njita di yem he. Tut Yusuf lene ninghuisi sindem ba, ppai bibor kei cem.

NITRITI 39:6 ပူးပေါင်းရင်းမြစ်များ

NITRITI 29:17

Lea niyai nggrop mbris lene Rahel ninghuisi kwes ba, niimaisi ubbu ngat.

NITRITI 39:23

Apino nibou ig bui ningon ku no tut mun di noni ba ningon com Yusuf tut bu bi lewo tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 39:4

Gima rino Potifar joi sut Yusuf nindig bibor bikon nok no di mpu nonti njem bikon ninyeng binok nibou mem ig bei nsi nya kin nibou mem nide ndigban hagom cem.

NITRITI 39:8

Noro Yusuf srep bipai “Amiap e, diceu ba ningon com da tut mun di noni nyeng tut nya hagom ba, ningon ku no tut nide ig bei nsi bi.

NITRITI 43:32

Yusuf gwam kui meja gom biyem njita binongkom lene nikindig bat nya kin nikinjoi igwam kui meja hiter bu. Lene timiei minu Mesir nindigsi nya igwam kui ide meja hiter bu leu gino igyem njita bit mben Ibrani ne ikan bipia gima suwok.

NIPINGOK NINGONTI 31:11

Nijjep ndwau sut mun nyeng hi bi lewo ba ningon com nitnem nindig bibor.

LUKAS 16:10

No di ningon gom tut mun di nimien ningon gom tut mun di nindig cem. Noro no di ningon gom tut mun di nimien bi lene ningon gom tut mun di nindig cem bi.

LUKAS 19:17

Niceu pai binoni ‘Kei bibor! Nani ne awak di ningon gom ri! Midita nani nok nibou mem minu ttou nsi simnai lewo ajoi bibor tut mun di nimien dima.’

KISAH 7:20

Musa nipmem srek tut noni ei nijam dima bingat lo, ninghuisi llei bibor. Gima rino nipmem om no nyen tut ei ig bei mem bed ningai.

SAMUEL GI NIGOM 16:12

Gima rino Isai cuk tungwatu nya ba, hi ug buwak Daud kwei. Isai nipmot dini ubbu bibor ba, ninghuisi kei bibor ba, niyai nggrop mbris kei cem. Lene tuhan pai bak Samuel “No dini ne no di didimig ei su ri! Ma ata noni!”

SAMUEL GI NIGOM 17:42

Tirigi noni kwei dideu bingat igbit Daud tu lene ningwes om kep bipa ndip noni lewo Daud ne pinai pilei he di ningkek sibui kei.