NITRITI 39:2 - ALLAH NIHYET MEM TUNGWATU NYA

² tuhan nyohou Yusuf nok gi kei bibindei ba, noni joi bibor biyai midyai nya hagom nok mungkun kei. Noni bong bit niceu timiei minu Mesir pima.

NITRITI 39:2 ပူးပေါင်းရင်းမြစ်များ

SAMUEL GI NIGOM 18:14

Noni yai bipek kep midyai di yai nya hagom lewo tuhan mpu noni.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

YEREMIA 15:20

Midibindei ba, anok ngug ngkimom-tembaga bou yo dima igyai him. Mbro nok gino ihwen bit na lo, ibindei timek na kan bi. Lewo midingat rin bit na leu binhyepo diya srak ko hagau na. Miditeu na ba, angwes ngun.

NITRITI 26:28

Lene ibuhup “Jo nibreisi bipia tuhan nyohou na nok gi kei. Gima rino nikan bipia nna ba nyeni yahagom ipreu mun ei bit yam. Ma apreu ei mem nye bipia,

NITRITI 21:22

Mpe dima lene Abimelekh kin Pikhol di nibou tentara ikwei ngat Abraham bipai binoni “Ningat ne Allah nyohou na bisindem tut na mem gima ayai ade midyai nya hagom.

YESAYA 43:2

Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

SAMUEL GI NIGOM 16:18

Tirigi noni pai nok lene nide awak gom pai cem “Isai di bong ei Betlehem yai nipmot gom di kek nggong mbrei igkei ba, no rinaha. Mimbri kui ningkek bikon pran kan. Noni ubbu bibor ba, ninghuisi kei bibor ba, mbrap kan cem lewo tuhan mpu noni kikau.”

SAMUEL GI NIGOM 3:19

Lene tuhan ningat rin bit Samuel kikau bindig lene bindei ba, mun di tibim ei Samuel nuhui him nya pek kep dem igbit nipaisi dima.

SAMUEL GI NIGOM 18:28

Saul ningon kan bipia tuhan nyohou mpu Daud ba, nipmisop Mikhal bungwam kep Daud nindig bibor cem.

TIMOTIUS GI NIGOM 6:1

Suar awak di ingon jo kep nya ibou cut bak iceu bat nya bikon inyenga leu binhyepo ibindei ba, Allah ninyeng kin side niba ningon com Kristusti di sitri tut kinei bi.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

KISAH 8:31

No dima buhup “Gino tungwagom pingok da tut bi lene notou mem dingon dor niti i?” Lene noni cigit Filipus bikui ei krobati bit noni.

NITRITI 21:20

Lene Allah nyohou Ismael ba, noni bindig nut lene bong-bong wai ei iggum ndigsi ei Paran. Mimbrek-mimbrek lene noni nok no di ngim igkei.

NITRITI 39:3

Ba, niceu ngat bipia tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 39:23

Apino nibou ig bui ningon ku no tut mun di noni ba ningon com Yusuf tut bu bi lewo tuhan nyohou Yusuf bibindei ba, nide midyai nya hagom ngat ningat di kei bibor.

YOSUA 6:27

Gima rino tuhan ningat rin bit Yosua leu api tungwatu nya ei minu dima hagom inga leu tut nide midyai nya.

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

NIBOHON MBEN ISRAEL GI NIGOM 9:20

Nipou yo ne Pinehas di Eleazar nipmot yok niyai kep yok. Handei kon tuhan nyohou noni!

NIBOHON MBEN ISRAEL GI NICAN 1:1

Salomo di Nibou Ndig Daud nipmot kui bigwam nok nibou ndig di sindem bibor ei ninyeng tak kep mben Israelti dima. Nide tuhan Allah njei mun di kei bak lene bindei ba, Salomo ninyeng tak kepti sindem bibor.