NITRITI 38:17 - ALLAH NIHYET MEM TUNGWATU NYA

¹⁷ Lene Yehuda buhup “Midiyai kambir nehen pap ningut gom bina.” Lene Tamar pai binoni “Gima kei noro ma ayai bindo gom bida nipou leu bibou apinak kambir dima kwei bida ug e.”

NITRITI 38:17 ပူးပေါင်းရင်းမြစ်များ

NITRITI 38:16

Gima rino Yehuda ug ngat noni ei simpak ninghas him bihig ser noni “Apai igbit nibok leu binhyepo siyem njita tut yam e?” Pai bak nok noro noni ngat igbit nignyot di Tamar dima bi. Lene Tamar ce bipai “Ayai mindei bida nipou tirigi siyem njita tut yam bigyo i?”

NITRITI 38:18

Lene Yehuda hig ser noni “Diyai bindo di nok mindei bina i?” Lene Tamar buhup “Ma ayai ade cap mas bitut nikuk kin ade tom cem bida.” Lene Yehuda yai hagom bak leu api igyem njita tut yam apino Tamar nghop.

NITRITI 38:20

Lene Yehuda ug cuk nisut Hira bijem kambir ningut gom bikes bak misop dima leu binhyepo noni mitug bindo pima hanyen bak niceua. Noro Hira ngat misop dima bi.

NIPINGOK NINGONTI 20:16

No di preu ei mem gima ya hon ningwam di nindigsi nya ibon ningon mbum bibor. Dem mem gima ipos mun di noni nyeng tut nya hagom bibet ei mem ibirop mun di noni preu ei dima.

YEHEZKIEL 16:33

Pinai di icut tut sop mmun nya iba mitiei bigo yok. Noro ayai nok gima bi. Nani rino akwas mun di kei tut pinai nya di abou buwei kep yok. Aba mitiei bihwen ingon leu binhyepo ikwei leu nima kwei-nima kwei bicut tut na.

LUKAS 16:8

Gima rino mindor di ningon sren bi dima niceu nggei sut noni drek dip niba ningon tekti bidimig munti dima. Lewo tungwatu dihyeisi dini iba ingon di tek binyohou dimig ide midyai kan dor njiriek yo di imbut mem nipigati nya.”

NIJAM NIKEI NYA 15:1

Njap poi ser bu tirigi tto bou dem mem ike gandum nintam ei beisi lene Simson ug ngat sop po noni kan bigya nitnem rin pima hanyen bijem kambir nehen pap ningut gom binoni. Lene pai bak nipmang “Dijoi sut dicoi ug ei ditnem nide nghim nsi mbigom ug e.” Noro nipmang ggai ser Simson.